SignIn
Kerala Kaumudi Online
Saturday, 14 December 2019 3.00 AM IST

പാലം തകർന്നു, നെല്ലിയാമ്പതി പകുതിപ്പാലം പ്രദേശം ഒറ്റപ്പെട്ടു

നെല്ലിയാമ്പതി: കനത്തമഴയിൽ പാലം തകർന്നതോടെ മലയോര മേഖലയായ കെ.എഫ്.ഡി.സി പകുതിപ്പാലം പ്രദേശം ഒറ്റപ്പെട്ടു. നെല്ലിയാമ്പതിയിലെ കൈകാട്ടിയിൽ നിന്നും 16 കിലോ മീറ്റർ അകലെയാണ് കെ.എഫ്.ഡി.സി പകുതിപ്പാലം എസ്റ്റേറ്റ്. 2018ൽ പാലം ഭാഗികമായി ഇടിഞ്ഞതിനെ തുടർന്ന് തോട്ടം തൊഴിലാളികൾ പാലത്തിന് സമീപം പുഴയുടെ കുറുകെ കല്ലും മണൽചാക്കും കൊണ്ട് താൽകാലിക റോഡ് നിർമിച്ചാണ് ഗതാഗതയോഗ്യമാക്കിയത്.

കഴിഞ്ഞ വെള്ളിയാഴ്ച പെയ്ത കനത്തമഴയിൽ പുഴയുടെ കുറുകെ നിർമ്മിച്ചിരുന്ന താൽകാലിക റോഡ് പൂർണമായും ഒലിച്ച് പോയി. ഭാഗികമായി തകർന്നിരുന്ന പാലം പൂർണമായും തകർന്നു. ഇതോടെ ഇതുവഴിയുള്ള യാത്ര നിലച്ചിരിക്കുകയാണ്. വണ്ണാതിപ്പാലത്ത് മരം കടപുഴകി വീണതിനെ തുടർന്ന് വൈദ്യുതി ബന്ധവും നിലച്ചു. ഇതോടെ പകുതിപ്പാലം നിവാസികൾ ഒറ്റപ്പെട്ട അവസ്ഥയിലാണ്.

എട്ട് കുടുംബങ്ങളിലായി 18 പേർ പകുതിപ്പാലം പ്രദേശത്തുണ്ട്. കഴിഞ്ഞ ദിവസം നെല്ലിയാമ്പതി പ്രാഥമികാരോഗ്യ കേന്ദ്രത്തിലെ ജൂനിയർ ഹെൽത്ത് ഇൻസ്‌പെക്ടർ ജെ.ആരോഗ്യം ജോയ്‌സണും സംഘവും ചേർന്ന് പുഴ കടന്നെത്തി മുഴുവൻ തോട്ടം തൊഴിലാളികൾക്കും എലിപ്പനിക്കെതിരെയുള്ള മുൻകരുതലിന്റെ ഭാഗമായി മരുന്ന് വിതരണം നൽകിയിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, PALAKKAD
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.