ചുറ്റികകൊണ്ട് ആക്രമിച്ചയാൾ പിടിയിൽ

തിരുവനന്തപുരം: വീട്ടിൽ അതിക്രമിച്ചുകയറി ഗൃഹനാഥനെ ചുറ്രികകൊണ്ട് ആക്രമിച്ചയാൾ അറസ്റ്റിൽ. കുന്നുകുഴി ടി.സി 12/1548 ൽ പ്രജോഷിനെ (44)യാണ് മ്യൂസിയം പൊലീസ് പിടികൂടിയത്. കുന്നുകുഴി മരച്ചീനിവിള ടി.സി 12/497 ൽ സാജുവിനെ ചുറ്റികകൊണ്ട് തലയ്ക്കടിച്ച് പരിക്കേൽപ്പിച്ചെന്നാണ് പരാതി. നാല് മാസമായി പ്രതി ഒളിവിലായിരുന്നെന്ന് പൊലീസ് പറഞ്ഞു. സി.ഐ വിമൽ, എസ്.ഐമാരായ വിപിൻ, ആശാ ചന്ദ്രൻ, ഷിജു, ഷെഫി, സജിരാജ് എന്നിവരുൾപ്പെട്ട സംഘമാണ് പ്രതിയെ പിടികൂടിയത്. കോടതി ഇയാളെ റിമാൻഡ് ചെയ്തു.