ആഭ്യന്തര കലാപം: സുഡാനിൽ 175 മരണം

ഖാർത്തും: വടക്കുകിഴക്കൻ ആഫ്രിക്കൻ രാജ്യമായ സുഡാനിൽ കഴിഞ്ഞ രണ്ട് ദിവസത്തിനിടെയുണ്ടായ വ്യോമാക്രമണങ്ങളിൽ 175 പേർ കൊല്ലപ്പെട്ടു. സൈന്യവും അർദ്ധ സൈനിക വിഭാഗമായ റാപ്പിഡ് സപ്പോർട്ട് ഫോഴ്സും (ആർ.എസ്.എഫ് ) തമ്മിൽ സംഘർഷം രൂക്ഷമായതോടെയാണ് സംഭവം. തിരക്കേറിയ മാർക്കറ്റുകളും ജനവാസ കേന്ദ്രങ്ങളും കേന്ദ്രീകരിച്ചാണ് ഇരുകൂട്ടരും ആക്രമണം തുടരുന്നത്. കഴിഞ്ഞ വർഷം ഏപ്രിൽ മുതലാണ് രാജ്യത്ത് സൈന്യവും ആർ.എസ്.എഫും തമ്മിൽ ആഭ്യന്തര കലാപം പൊട്ടിപ്പുറപ്പെട്ടത്.