ബാലരാമപുരത്ത് എം.ഡി.എം.എയുമായി 3 പേർ പിടിയിൽ

ബാലരാമപുരം:ബാലരാമപുരത്ത് വീണ്ടും എം.ഡി.എം.എ പിടികൂടി.പൊലീസും ‌ഡാൻസാഫ് സ്ക്വാഡും സംയുക്തമായി നടത്തിയ പരിശോധനയിൽ എരുത്താവൂർ മുക്കമ്പാലമൂട് റോഡിലെ ടർഫിന് സമീപം 5 ഗ്രാം എം.ഡി.എം.എയുമായി 3 പേരെ പിടികൂടുകയായിരുന്നു.പയറ്റുവിള അമ്പലം തട്ട് വീട്ടിൽ ഷാഹുൽരാജ് (25)​,​ എരുത്താവൂർ പടിഞ്ഞാറേ മലഞ്ചരുവ് അനീഷ് ഭവനിൽ അച്ചു വിൻസി (26)​,​ കൃഷ്ണപുരം വൈഷ്ണവത്തിൽ അരവിന്ദ് (24)​ എന്നിവരാണ് അറസ്റ്റി ലായത്.ടർഫിലെ വീഡിയോ പരിശോധിച്ചതിന്റെ അടിസ്ഥാനത്തിൽ ഒളിപ്പിച്ചുവച്ച എം.എഡി.എം.എ കണ്ടെത്തി.റൂറൽ എസ്.പി കിരൺനാരായണിന്റെ നിർദ്ദേശത്തിലായിരുന്നു പരിശോധന.കഴിഞ്ഞ ദിവസം രാത്രിയിൽ കഞ്ചാവുമായി ഒരാളെ പൊലീസ് ജഗ്ഷനിൽ നിന്നും പിടികൂടിയിരുന്നു.നെയ്യാറ്റിൻകര ഡി.വൈ.എസ്.പി ഷാജിയുടെ നേതൃത്വത്തിൽ സി.ഐ ധർമ്മജിത്ത്,​ എസ്.ഐ ജ്യോതിസുധാകർ,​ ‌ഡാൻസ് സാഫ് സ്ക്വാഡ് അംഗങ്ങൾ എന്നിവരടങ്ങിയ സംഘമാണ് പിടികൂടിയത്. ക്രിസ്മസ്, ന്യൂ ഇയർ പ്രമാണിച്ച് വില്പനയ്ക്കെത്തിച്ച എട്ടരക്കിലോ കഞ്ചാവുമായി കഴിഞ്ഞയാഴ്ച്ച നരുവാമൂട് സ്വദേശി വടക്കേവിള ബേബി ലാൻഡിൽ താമസിക്കുന്ന അരുൺ പ്രശാന്തിനെ (41)അറസ്റ്റ് ചെയ്തിരുന്നു.പിടിയിലായവരെ റിമാൻഡ് ചെയ്യുമെന്ന് സി.ഐ അറിയിച്ചു.