അയാൾ എന്റെ പാവാടയുടെ ഉള്ളിലൂടെ കൈ കടത്തി,​ സൂപ്പർഹിറ്റ് ഗാനങ്ങളുടെ സംഗീത സംവിധായകനിൽ നിന്നുണ്ടായ അനുഭവം വെളിപ്പെടുത്തി ഗായിക

സിനിമാ മേഖലയിലെ ചൂഷണങ്ങളെ കുറിച്ച് നടിമാരുടെ തുറന്നുപറച്ചിൽ സമീപകാലത്ത് വൻവിവാദം സൃഷ്ടിച്ചിരുന്നു. പ്രമുഖ നടൻമാർക്കും സംവിധായകർക്കും എതിരെ ഉയർന്ന ആരോപണങ്ങളിൽ പൊലീസ് കേസെടുത്ത് കുറ്റപത്രം സമർപ്പിക്കുകയും ചെയ്തു. ഇപ്പോഴിതാ ബോളിവുഡിൽ നിന്നുള്ള ഒരു ലൈംഗികാരോപണമാണ് വിവാദമാകുന്നത്. ബോളിവുഡിലെ പ്രശസ്ത സംഗീത സംവിധായകൻ രാജേഷ് റോഷൻ ലൈംഗികമായി പീഡിപ്പിക്കാൻ ശ്രമിച്ചുവെന്നാണ് ഗായിക ലഗ്നജിത ചക്രബർത്തി ആരോപിച്ചത്. സൂപ്പർതാരം ഹൃത്വിക് റോഷന്റെ പിതൃസഹോദരനാണ് രാജേഷ് റോഷൻ,​

വർഷങ്ങൾക്ക് മുമ്പ് നടന്ന സംഭവത്തെ കുറിച്ചാണ് ഗായികയുടെ തുറന്നുപറച്ചിൽ. സ്ട്രെയ്റ്റ് അപ്പ് വിത്ത് ശ്രീ എന്ന പോഡ്‌കാസ്റ്റിൽ സംസാരിക്കുമ്പോഴായിരുന്നു ലഗ്നജിത ഇക്കാര്യം വെളിപ്പെടുത്തിയത്.

ഗായിക മുംബയിൽ താമസിക്കുമ്പോഴായിരുന്നു സംഭവം.

ഒരു പരസ്യം ചെയ്യുന്നതിന്റെ ചർച്ചയിലായിരുന്നു ഞങ്ങൾ. പാടാൻ അവസരം വാഗ്ദാനം ചെയ്ത രാജേഷ് റോഷൻ സാന്താക്രൂസിലെ വസതിയിൽ കാണാൻ ചെല്ലാൻ പറഞ്ഞു. വീട്ടിലെത്തിയ എന്നെ നന്നായി അദ്ദേഹം സ്വീകരിച്ചു. അദ്ദേഹത്തിന്റെ സംഗീതമുറിയിൽ ഞങ്ങൾ ഇരുന്നു. അപ്പുറത്ത് ഇരുന്ന അദ്ദേഹം കുറച്ചു കഴിഞ്ഞ് എന്റെ അടുത്തേക്ക് വന്നിരുന്നു. ഞാൻ കുറച്ച് പരസ്യജിംഗിളുകൾ പാടിയിരുന്നു. എന്റെ ചില വർക്കുകൾ കാണിക്കാൻ അദ്ദേഹം ആവശ്യപ്പെട്ടു,​ അത് കാണിക്കാനായി മേശപ്പുറത്ത് ഉണ്ടായിരുന്ന ഐ പാ‌ഡ് എടുത്ത് ബ്രൗസ് ചെയ്യുന്നതിനിടെയിൽ അദ്ദേഹം എന്റെ അടുത്ത് നിന്ന് അല്പം മാറുന്നത് കണ്ടു. അദ്ദേഹം എന്താണ് ചെയ്യാൻ പോകുന്നതെന്ന് ഞാൻ ശ്രദ്ധിച്ചുകൊണ്ടിരുന്നു. പക്ഷേ പെട്ടെന്ന് ഞാൻ പ്രതികരിച്ചില്ല. ഞാൻ പ്രതികരിക്കുന്നില്ലെന്നും പരിഭ്രമിക്കുന്നില്ലെന്നും തോന്നിയതോടെ അയാൾ എന്റെ പാവാടയുടെ ഉള്ളിലേക്ക് കൈ കടത്തി. ഇതോടെ ഞാൻ ചാടി എഴുന്നൽക്കുകയും അധികമൊന്നും സംസാരിക്കാതെ പുറത്തേക്കിറങ്ങി പോകുകയും ചെയ്തുവെന്ന് ലഗ്നജിത് പറഞ്ഞു.

അഭിനയമേഖലയിൽ മാത്രമല്ല സംഗീതരംഗത്തും കാസ്റ്റിംഗ്കൗച്ച് നിലവിലുണ്ടെന്ന് ഗായിക പറയുന്നു. രാജേഷ് റോഷൻ അത്തരം ആളുകളിൽ ഒന്ന് മാത്രമാണെന്നും മറ്റ് സെലിബ്രറ്റികളിൽ നിന്ും സമാനമായ അനുഭവം ഉണ്ടായിട്ടുണ്ടെന്നും ഗായിക പറയുന്നു. ബംഗാളി സിനിമകളിലൂടെയാണ് ലഗ്നാജിത് ശ്രദ്ധ നേടുന്നത്. നിരവധി പരസ്യജിംഗിളുകൾ ശബ്ദം നൽകി. ചോട്ടുഷ്‌കോൺ എന്ന ചിത്രത്തിലെ ബസന്തോ ഈഷെ ഗെച്ചെ എന്ന ഗാനത്തിലൂടെയാണ് ഗായിക പ്രശസ്തി നേടുന്നത്.