സന്തോഷ് ട്രോഫി ഫൈനൽറൗണ്ട് പോരാട്ടങ്ങൾ ഇന്നുമുതൽ

ഹൈദരാബാദ്: സന്തോഷ് ട്രോഫി ഫുട്ബോൾ ടൂർണമെന്റിന്റെ ഫൈനൽ റൗണ്ട് പോരാട്ടങ്ങൾക്ക് ഇന്ന് ഹൈദരാബാദിലെ ജി.എം.സി ബാലയോഗി സ്റ്റേഡിയത്തിൽ തുടക്കമാകും. ഇന്ന് നടക്കുന്ന ഗ്രൂപ്പ് എയിലെ മത്സങ്ങളിൽ മണിപ്പൂർ സർവീസസിനേയും തെലങ്കാന രാജസ്ഥാനേയും ബംഗാൾ ജമ്മുകാശ്‌മീരിനേയും നേരിടും. കേരളം ബി ഗ്രൂപ്പിലാണ്. ഗോവ,​തമി‌ഴ്‌നാട്,​ഡൽഹി,​ഒഡിഷ,​മേഘാലയ എന്നീ ടീമുകളാണ് ബി ഗ്രൂപ്പിൽ കേരളത്തിനൊപ്പമുള്ളത്. എട്ടാം കിരീടം ലക്ഷ്യമിട്ട് ഇത്തവണ ബൂട്ട് കെട്ടുന്ന കേരളത്തിന്റെ ആദ്യ മത്സരം നാളെ ഗോവയ്‌ക്കെതിരെയാണ്.