SignIn
Kerala Kaumudi Online
Saturday, 21 September 2019 5.51 AM IST

ഏകാംഗ ഭരണത്തിന് സമാപ്തി: കർണാടകയിൽ മന്ത്രിസഭ വികസിപ്പിച്ചു സ്വതന്ത്രൻ ഉൾപ്പെടെ 17മന്ത്രിമാർ സത്യപ്രതിജ്ഞ ചെയ്തു

karnataka

ബം​ഗ​ളൂ​രു: കർണാടകയിൽ മൂന്നാഴ്ചത്തെ ഏകാംഗ ഭരണത്തിന് പരിസമാപ്തി കുറിച്ച് ഇന്നലെ ബി.​ജെ.​പി സ​ർ​ക്കാരി​ൽ പുതുതായി 17 മ​ന്ത്രി​മാ​ർ സത്യപ്രതിജ്ഞ ചെയ്തു. രാവിലെ 10.30ന് രാജ്ഭവനിൽ നടന്ന സത്യപ്രതിജ്ഞാ ചടങ്ങിൽ ഗവർണർ സത്യവാചകം ചൊല്ലിക്കൊടുത്തു. സ്വതന്ത്രൻ എച്ച്. നാഗേഷ് ഉൾപ്പെടെയുള്ള മന്ത്രിസഭയിൽ ജോലെ ശശികല അണ്ണാ സാഹിബാണ് ഏക വനിതാ അംഗം. മുൻ മുഖ്യമന്ത്രി ജഗദീഷ് ഷെട്ടാർ, മുൻ ഉപമുഖ്യമന്ത്രിമാരായ ആർ. അശോക, കെ.ഇ. ഈശ്വരപ്പ, ജി.എം. കരജോൾ, ഡോ. അശ്വത് നാരായൺ .സി.എൻ, എൽ.എസ്. സവാദി, ബി. ശ്രീരാമലു, എസ്. സുരേഷ് കുമാർ, വി. സോമണ്ണ, സി.ടി. രവി, ബസവരാജ് ബൊമ്മ, കോട്ട ശ്രീനിവാസ് പൂജാരി, ജെ.സി. മധുസ്വാമി, സി.സി. പാട്ടീൽ, പ്രഭു ചൗഹാൻ എന്നിവർ ഗവർണർ വാജുഭായി വാലയ്ക്ക് മുമ്പാകെ സത്യപ്രതിജ്ഞ ചെയ്ത് ചുമതലയേറ്റെടുത്തു. രാവിലെ പുതുതായി സത്യപ്രതിജ്ഞ ചെയ്യുന്ന 17 മന്ത്രിമാരുടെ പട്ടിക മുഖ്യമന്ത്രി ബി.എസ്. യെദിയൂരപ്പ ഗവർണർക്ക് കൈമാറിയിരുന്നു. ജൂ​ലായ് 26ന് ​മു​ഖ്യ​മ​ന്ത്രി​യാ​യി യെ​ദി​യൂ​ര​പ്പ സ​ത്യ​പ്ര​തി​ജ്ഞ ചെ​യ്തെ​ങ്കി​ലും മ​ന്ത്രി​സ​ഭാ വി​ക​സ​നം ന​ട​ന്നി​രു​ന്നി​ല്ല. മ​ന്ത്രി​മാ​രു​ടെ പ​ട്ടി​ക​യി​ൽ അ​ന്തി​മ ​തീ​രു​മാ​നം എ​ടു​ക്കു​ന്ന​തി​ലു​ണ്ടാ​യ കാ​ല​താ​മ​സ​മാ​ണ് സ​ത്യ​പ്ര​തി​ജ്ഞ വൈ​കാ​ൻ കാ​ര​ണം. ശ​നി​യാ​ഴ്ച വൈ​കി​ട്ടോ​ടെ യെ​ദി​യൂ​ര​പ്പ​യു​മാ​യി ന​ട​ന്ന ച​ർ​ച്ചയ്​ക്കൊ​ടു​വി​ൽ മ​ന്ത്രി​മാ​രു​ടെ പ​ട്ടി​ക​യ്ക്ക് ബി.​ജെ.​പി ദേ​ശീ​യ പ്ര​സി​ഡന്റ് അ​മി​ത് ഷാ ​അം​ഗീ​കാ​രം ന​ൽ​കു​ക​യാ​യി​രു​ന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, KARNATAKA
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.