ശംഭു അതിർത്തിയിൽ വീണ്ടും കർഷക ആത്മഹത്യ

ന്യൂഡൽഹി : കർഷക പ്രക്ഷോഭം തുടരുന്ന പഞ്ചാബ് - ഹരിയാന അതിർത്തിയിലെ ശംഭുവിൽ വീണ്ടും കർഷക ആത്മഹത്യ. പഞ്ചാബ് തരൺ തരൺ സ്വദേശി 55കാരനായ റേഷം സിംഗാണ് വിഷം കഴിച്ചത്. പട്യാല ആശുപത്രിയിൽ പ്രവേശിപ്പിച്ചെങ്കിലും മരിച്ചു. അനിശ്ചിതകാല നിരാഹാരസമരം തുടരുന്ന കർഷകനേതാവ് ജഗ്ജിത് സിംഗ് ദല്ലേവാളിന്റെ ആരോഗ്യനില മോശമായതിലും,​ പ്രശ്‌നപരിഹാരമുണ്ടാകാത്തതിലും അദ്ദേഹം ദു:ഖിതനായിരുന്നുവെന്ന് കിസാൻ മസ്ദൂർ മോർച്ച നേതാവ് സർവൻ സിംഗ് പാന്ഥെർ വ്യക്തമാക്കി. മൂന്നാഴ്ചയ്‌ക്കിടെ ശംഭു അതിർത്തിയിലെ രണ്ടാമത്തെ ആത്മഹത്യയാണിത്.