പെരുമ്പാവൂർ: അനധികൃതമായി സ്കൂട്ടറിൽ മദ്യവില്പന നടത്തിയ യുവാവ് പിടിയിൽ. അറയ്ക്കപ്പടി ഓണംകുളം പാലമൂട്ടിൽ കൊല്ലിയാലിൽ വീട്ടിൽ പൗലോസിന്റെ മകൻ അരുൺ പോൾ ( 42 ) ആണ് പിടിയിലായത്. ഇയാളുടെ സ്കൂട്ടറിൽ നിന്ന് 8.5 ലിറ്റർ മദ്യവും വിറ്റുകിട്ടിയ പണവും പിടിച്ചെടുത്തു. എക്സൈസ് റേഞ്ച് അസിസ്റ്റന്റ് എക്സൈസ് ഇൻസ്പെക്ടർ( ഗ്രേഡ് ) സാബു വർഗീസിന്റെ നേതൃത്വത്തിൽ പെരുമ്പാവൂർ ഓണകുളം ഭാഗത്ത് ഇന്നലെ നടത്തിയ പരിശോധനയിലാണ് ഇയാൾ പിടിയിലായത്. റെയ്ഡിൽ അസി. എക്സൈസ് ഇൻസ്പെക്ടർ (ഗ്രേഡ് )ജോൺസൺ ടി. വി, പ്രിവന്റീവ് ഓഫീസർ ( ഗ്രേഡ് ) ജസ്റ്റിൻ ചർച്ചിൽ, സിവിൽ എക്സൈസ് ഓഫീസർ അഖിൽ ശ്രീകുമാർ, എക്സൈസ് ഡ്രൈവർ ബിജു പോൾ എന്നിവരും പങ്കെടുത്തിരുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |