വളരെയേറെ പോഷകഗുണമുള്ള ഭക്ഷണമാണ് റാഗി. വിറ്റാമിൻ സി, ബി 6, ഫോളിക് ആസിഡ്, ഡയറ്ററി ഫൈബർ പോളിഫിനോൾ എന്നിവ ധാരാളമുണ്ട്. കാത്സ്യവും ജീവകം ഡിയും ഉള്ളതിനാൽ അസ്ഥികളുടെ ആരോഗ്യത്തിന് നല്ലതാണ്. ഇരുമ്പ് അടങ്ങിയതിനാൽ വിളർച്ച തടയാനും റാഗി നല്ലതാണ്. രക്തത്തിലെ പഞ്ചസാരയുടെ അളവ് കുറയ്ക്കുന്നതിനും റാഗി നല്ലതാണ്. അമിനോ ആസിഡുകളായ ലെസിതിൻ, മെഥിയോനൈൻ എന്നിവ കരളിലെ അധിക കൊഴുപ്പിനെ നീക്കും. ഇതിലുള്ള ആന്റിഓക്സിഡന്റുകൾ ഉത്കണ്ഠ, ഹൈപ്പർ ടെൻഷൻ, വിഷാദം, തലവേദന തുടങ്ങിയ പ്രശ്നങ്ങൾക്കും പരിഹാരമാണ്.
ഇനി മുഖം പൂപോലെ മൃദുലവും തിളക്കമുള്ളതാക്കാനും റാഗി കൊണ്ടുള്ള ഫേസ്പാക്കിലൂടെ സാധിക്കും. ഇതിനായി മൂന്ന് ടീസ്പൂൺ റാഗി എടുക്കണം, അഞ്ച് ടീസ്പൂൺ പാലും ഒപ്പം എടുക്കുക. റാഗിയിൽ പാൽ ചേർത്ത് കുതിർത്ത് രണ്ട് മണിക്കൂർ വയ്ക്കണം. ഇനി അത് അരിച്ചെടുത്ത് ആ മിശ്രിതത്തിൽ കുറച്ചുകൂടി പാൽചേർത്ത് കുറുക്കുക. ഇനി ആദ്യം പയർപൊടി പോലെ നാച്ചുറൽ വസ്തുക്കൾ കൊണ്ട് മുഖം കഴുകുക. ശേഷം ഈ റാഗി ഫേസ്പാക്ക് പുരട്ടണം. ഉണങ്ങുമ്പോൾ പുറമേ വീണ്ടും പുരട്ടണം. ഇത് മുഖത്ത് പിടിച്ചെന്ന് തോന്നിയാൽ കഴുകിക്കളയുക. നിരന്തര ഉപയോഗത്തിൽ സുന്ദരമായ മുഖം ലഭിക്കുന്നത് അനുഭവപ്പെടും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |