കഞ്ചാവുമായി അന്യസംസ്ഥാന തൊഴിലാളി പിടിയിൽ

മൂവാറ്റുപുഴ: എക്സൈസ് റേഞ്ച് ഓഫീസർക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ അന്യ സംസ്ഥാന തൊഴിലാളിയെ കഞ്ചാവുമായി പിടികൂടി. മൂവാറ്റുപുഴ കവുങ്കര എവറസ്റ്റ് ജംഗ്ഷനിൽ നിന്നാണ് 1.1 കിലോഗ്രാം കഞ്ചാവുമായി പശ്ചിമബംഗാൾ മൂർഷിദാബാദ് സ്വദേശി സുഭാഷ് മണ്ഡൽ (25) നെ അറസ്റ്റ് ചെയ്തത്. ചില്ലറ വില്പനക്കായി ബംഗാളിൽ നിന്നും എത്തിച്ച കഞ്ചാവാണ് പിടികൂടിയത്. എക്സൈസ് റേഞ്ച് ഇൻസ്‌പെക്ടർ റോയ് എം.ജേക്കബ്, അസിസ്റ്റന്റ് എക്സൈസ് ഇൻസ്പെക്ടർമാരായ ഹാസൈനാർ പി. പി, ഫൈസൽ, സിദ്ധിക്ക് കെ.ഇ, പ്രിവൻറ്റീവ് ഓഫീസർമാരായ കബീർ പി.എം, ഉന്മേഷ് ബി, രാഹുൽ പി.ടി, വനിതാ സിവിൽ എക്സൈസ് ഓഫീസർ അനുമോൾ ദിവാകരൻ, എക്സൈസ് ഡ്രൈവർ ദീപക് എന്നിവരടങ്ങിയ എക്സൈസ് സംഘമാണ് പ്രതിയെ പിടികൂടിയത്.