SignIn
Kerala Kaumudi Online
Monday, 10 February 2025 2.51 AM IST

ഭര്‍ത്താവിനേയും മക്കളേയും ഉപേക്ഷിച്ച് പോയി, കാമുകനും കുടുംബവും ചേര്‍ന്ന് 35കാരിയെ കൊലപ്പെടുത്തി

Increase Font Size Decrease Font Size Print Page
crime

ഹൈദരാബാദ്: യുവതിയെ ക്രൂരമായി കൊലപ്പെടുത്തിയത് സുഹൃത്തും അയാളുടെ കുടുംബാംഗങ്ങളും ചേര്‍ന്ന്. ബയ്യാരം സ്വദേശി നാഗമണി (35)യാണ് കൊല്ലപ്പെട്ടത്. മഹബൂബാബാദ് സ്വദേശിയായ ഗോപി, ഇയാളുടെ സഹോദരി ദുര്‍ഗ, മാതാവ് ലക്ഷ്മി, പിതാവ് രാമുലു എന്നിവര്‍ ചേര്‍ന്നാണ് നാഗമണിയെ കൊലപ്പെടുത്തിയത്. ഗോപിയുമായുള്ള തര്‍ക്കത്തെ തുടര്‍ന്നാണ് കൊലപാതകം നടന്നതെന്നാണ് പൊലീസ് നല്‍കുന്ന വിവരം.

അതേസമയം, നാല് പ്രതികളും ഒളിവിലാണെന്നും ഇവര്‍ക്കായി തെരച്ചില്‍ ഊര്‍ജിതമാക്കിയിരിക്കുകയാണെന്നും പൊലീസ് കൂട്ടിച്ചേര്‍ത്തു. വിവാഹിതയും രണ്ട് കുട്ടികളുടെ മാതാവുമായിരുന്ന നാഗമണി ഭര്‍ത്താവിനേയും കുടുംബത്തേയും ഉപേക്ഷിച്ച് ഗോപിക്കൊപ്പമാണ് കഴിഞ്ഞ കുറച്ച് കാലമായി താമസിച്ചിരുന്നത്. ഈയിടെയായി ഇരുവരും തമ്മിലുള്ള ബന്ധം വഷളായിരുന്നു. തര്‍ക്കവും വാക്കേറ്റവും പതിവായിരുന്നുവെന്നാണ് പൊലീസിന് ലഭിച്ച വിവരം. ഇതാണ് കൊലപാതകത്തിലേക്ക് നയിച്ചത്.


രാമുലു, ലക്ഷ്മി, ഗോപി, ദുര്‍ഗ, മരുമകന്‍ മഹേന്ദര്‍ എന്നിവര്‍ കഴിഞ്ഞ മൂന്ന് വര്‍ഷമായി സിഗ്‌നല്‍ കോളനിയില്‍ ഒരു വാടക വീട്ടിലാണ് താമസിച്ചിരുന്നത്. നാഗമണിയും ഗോപിയും സുഹൃത്തുക്കളാവുകയും ശേഷം കുടുംബത്തെ ഉപേക്ഷിച്ച് നാഗമണി ഗോപിയുടെ കൂടെ താമസിക്കുകയായിരുന്നുവെന്നും സിഐ ദേവേന്ദര്‍ വ്യക്തമാക്കി. ഇരുവരും തമ്മിലുണ്ടായ തര്‍ക്കത്തില്‍ പത്ത് ദിവസം മുമ്പാണ് ഗോപിയും കുടുംബവും നാഗമണിയെ കൊലപ്പെടുത്തിയതെന്ന് സിഐ പറഞ്ഞു.

TAGS: CASE DIARY, CRIME
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
Kaumudi Salt & Pepper
TRENDING IN CASE DIARY
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.