അനുസ്മരണ സമ്മേളനം

കൊച്ചി: അന്തരിച്ച എഴുത്തുകാരുടെ ഭാര്യമാർ നേരിടുന്ന പ്രതിസന്ധികളിൽ ഒപ്പം നിൽക്കാനും അവരുടെ സുരക്ഷിതത്വം ഉറപ്പാകാനും നടപടി സ്വീകരിക്കുമെന്ന് ഇന്ത്യൻ സൊസൈറ്റി ഒഫ് ഓഥേഴ്‌സ്. 141-ാം ആശാൻ അനുസ്മരണ സമ്മേളനത്തിൽ സംഘടനാ പ്രസിഡന്റ് ജസ്റ്റിസ് പി.എസ്. ഗോപിനാഥനാണ് ഇക്കാര്യം പ്രഖ്യാപിച്ചത്.

രാജഗോപാലൻ കാരപ്പറ്റയുടെ വീണപൂവിന്റെ സംസ്കൃത പരിഭാഷ പുസ്തകം പ്രസി​ദ്ധീകരി​ക്കാനും ചടങ്ങി​ൽ തീരുമാനിച്ചു. പി.ഐ.ശങ്കരനാരായണനും, പി.എസ്. മായയും ആശാൻ കവിതകളുടെ സംഗീതാവിഷ്കരണം നടത്തി. ആശാൻ കവിതകൾ ജർമ്മൻ ഭാഷയിലേക്ക് പരിഭാഷപ്പെടുത്താനുള്ള പരിശ്രമം ആരംഭിക്കണമെന്ന് നവനീതം പത്രാധിപർ ജസ്റ്റിസ് കെ. സുകുമാരനും അഭിപ്രായപ്പെട്ടു. വൈസ് പ്രഡന്റ് ഡോ. ജയകുമാരി, സെക്രട്ടറി സുകുമാർ അരിക്കുഴ എന്നിവർ സംസാരിച്ചു.