പാചക തൊഴിലാളിയെ മർദ്ദിച്ച് പണംതട്ടാൻ ശ്രമം

ആലങ്ങാട്: ജോലികഴിഞ്ഞ് വീട്ടിലേക്ക് മടങ്ങുകയായി​രുന്ന പാചക തൊഴിലാളിയെ ബൈക്കി​ലെത്തി​യ മൂന്നംഗസംഘം തടഞ്ഞുനിറുത്തി തലയ്ക്കടിച്ച് പരിക്കേൽപ്പിച്ചു. മാളിയേക്കൽ വീട്ടിൽ അശോകനാണ് (70) അക്രമത്തി​ന് ഇരയായത്. കൂനമ്മാവ് പള്ളിക്കടവ് റോഡിൽ ഞായറാഴ്ച രാത്രി പത്തരയോടെയാണ് സംഭവം. ബോധം നഷ്ടമായി റോഡിൽ വീണുകിടന്ന അശോകനെ നാട്ടുകാരാണ് സ്വകാര്യ ആശുപത്രിയിൽ എത്തിച്ചത്.

കൂനമ്മാവ് പാരീഷ് ഹാളിൽ പാചകത്തിനുശേഷം വീട്ടിലേക്ക് മടങ്ങുകയായി​രുന്നു അശോകൻ. ഈ സമയത്ത് അശോകന്റെ കൈയി​ൽ പണമുണ്ടായിരുന്നില്ല. പണം കൈക്കലാക്കാൻ ശ്രമി​ച്ച് പരാജയപ്പെട്ടപ്പോഴായി​രുന്നു സംഘം മർദ്ദി​ച്ചതെന്ന് അശോകൻ പറഞ്ഞു. പിന്നിട് ഓർമ്മ നഷ്ടമായി​.

ഈ ഭാഗത്ത് മയക്കുമരുന്ന് മാഫിയയുടെ ശല്യം രൂക്ഷമാണ്. കഴിഞ്ഞദിവസം ചെമ്മായം ഭാഗത്ത് ഒരു വീട്ടിൽ മോഷണശ്രമം നടന്നിരുന്നു. ഞായറാഴ്ച കാവിൽനടയിൽ മുണ്ടൻചേരി അഗസ്റ്റിന്റെ ഉടമസ്ഥതയിലുള്ള സ്ഥലത്തെ ഗേറ്റിന്റെ പൂട്ട് തല്ലിത്തകർത്ത നിലയിൽ കണ്ടിരുന്നു.