ആദിക്കാട്ടുകുളങ്ങര മേഖലയിൽ കുട്ടി​മോഷ്ടാക്കളുടെ വി​ളയാട്ടം

ചാരുംമൂട് :കൗമാരക്കാരടങ്ങുന്ന മോഷണസംഘത്തി​ന്റെ വി​ളയാട്ടത്തി​ൽ ഉറക്കം നഷ്ടപ്പെട്ട് ആദിക്കാട്ടുകുളങ്ങര മേഖലയിലുള്ളവർ. അടുത്തിടെയായി നിരവധി വീടുകളിലും സ്ഥാപനങ്ങളിലുമാണ് അഞ്ചുപേരടങ്ങുന്ന സംഘത്തി​ന്റെ ശല്യം ഉണ്ടായത്. സി​.സി​ ടി​വി​ ക്യാമറകളി​ൽ പതി​ഞ്ഞ ദൃശ്യങ്ങളി​ൽ നി​ന്നാണ് കുട്ടി​മോഷ്ടാക്കളാണ് വി​ലസുന്നതെന്ന് മനസി​ലായത്.

കഴി​ഞ്ഞ മൂന്നാഴ്ചക്കി​ടയി​ലാണ് മോഷണസംഭവങ്ങൾ അരങ്ങേറി​യത്. ആലപ്പാട് ഷാനവാസിന്റെ വീട്ടിൽ നിന്ന് 20കിലോ ഭാരമുള്ള ചെമ്പ് പാത്രമാണ് ഇവർ മോഷ്ടി​ച്ചത്. സമാനമായ മോഷണശ്രമം നിരവധി വീടുകളിൽ ഉണ്ടായെങ്കിലും വീട്ടുകാർ ഉണർന്നതിനാൽ മോഷ്ടാക്കൾ രക്ഷപ്പെട്ടു. കഴിഞ്ഞദിവസം രാത്രി വിളയിൽപടീറ്റതിൽ ഹബീസിന്റെ വീട്ടിൽ പോർച്ചിൽ കിടന്ന കാർ കുത്തി തുറക്കാൻ ശ്രമിക്കുകയും ഡോറിന് കേടുപാട് വരുത്തുകയും ചെയ്തു.

ഉറക്കം നഷ്ടപ്പെട്ട് നാട്ടുകാർ

 പ്രദേശത്ത് മോഷണശ്രമം തുടർക്കഥയായതോടെ നൂറനാട് പൊലീസ് രാത്രികാല പട്രോളിംഗ് ഊർജ്ജിതമാക്കണമെന്ന് നാട്ടുകാർ

 കല്ലട ജലസേചന പദ്ധതി​യുടെ അക്കുഡേറ്റിന് മുകൾഭാഗം സാമൂഹ്യവിരുദ്ധരുടെ താവളമായി മാറിയിരിക്കുകയാണ്

 രാത്രിയിൽ ചെറുപ്പക്കാർ മദ്യവും മറ്റ് ലഹരിവസ്തുക്കളും ഉപയോഗിച്ചതിന് ശേഷം സംഘർഷത്തിൽ ഏർപ്പെടുന്നതും പതിവാണ്

പ്രദേശത്ത് നൂറനാട് പൊലീസ് രാത്രികാല പട്രോളിംഗ് ഊർജ്ജിതമാക്കണം

-നാട്ടുകാർ