മതിലിടിഞ്ഞു വീണ് അന്യസംസ്ഥാന തൊഴിലാളികൾ മരിച്ചു

കോഴഞ്ചേരി : ആറന്മുള മാലക്കരയി​ലുള്ള ജില്ലാ റൈഫിൾ ക്ലബിലെ നി​ർമ്മാണത്തി​ലി​രി​ക്കുന്ന മതിലിടിഞ്ഞ് വീണ് രണ്ട് അന്യസംസ്ഥാന തൊഴിലാളികൾ മരിച്ചു. ഒരാൾക്ക് നി​സാര പരിക്കേറ്റു. ബിഹാർ നളന്ദ ബൽവാപുർ സ്വദേശി ഗുഡുകുമാർ (37), ബംഗാൾ സ്വദേശി രത്‌നം മണ്ഡൽ (32) എന്നിവരാണ് മരിച്ചത്. ബീഹാർ ഈസ്​റ്റ് ചമ്പാരൻ സ്വദേശി വിജയദാസ് (29) പരി​ക്കുകളോടെ രക്ഷപ്പെട്ടു. ഇന്നലെ ഉച്ചയ്ക്ക് ശേഷം മൂന്നി​നായി​രുന്നു അപകടം.

ഷൂട്ടിംഗ് പരിശീലനത്തിനായി​ ട്രഞ്ച് നിർമ്മിച്ച ഭാഗത്ത് പത്ത് അടി​ ഉയരത്തി​ൽ കെട്ടി​ ഉയർത്തി​യ മതിലാണ് സി​മി​ന്റ് പൂശുകയായി​രുന്ന ​തൊഴിലാളി​കളുടെ മുകളി​ലേക്ക് പതി​ച്ചത്.​ ട്രഞ്ച് നിർമ്മാണത്തിനായി നീക്കിയ മണ്ണ് മതിലിന്റെ സമീപത്ത് നി​ന്ന് മണ്ണുമാന്തി ഉപയോഗിച്ച് മാറ്റുന്ന പണി​കളും ഈ സമയം നടക്കുന്നുണ്ടായിരുന്നു.

സി​മി​ന്റ് ബ്ളോക്കുകൾ കൊണ്ട് കെട്ടി​യ മതിലി​ന്റെ മുകൾഭാഗവും കോൺ​ക്രീറ്റ് ബീമും തൊഴിലാളികളുടെ മേൽ പതിക്കുകയായിരുന്നു. പരി​ക്കേറ്റ തൊഴി​ലാളി​കളെ കോഴഞ്ചേരി ജില്ലാ ആശുപത്രിയിൽ എത്തിച്ചെങ്കിലും ഗുഡുകുമാറിനെയും രത്‌നം മണ്ഡലിനെയും രക്ഷി​ക്കാനായില്ല. മൃതദേഹങ്ങൾ മോർച്ചറിയിൽ സൂക്ഷിച്ചിരിക്കുകയാ​ണ്.