തൗഫീക്കാണ് താരം

പത്തിനങ്ങളടങ്ങിയ ഡെക്കാത്ത്‌ലണിൽ തൗഫീക്കിലൂടെ ഉത്തരാഖണ്ഡ് ദേശീയ ഗെയിംസിലെ ആദ്യ സ്വർണം നേടി കേരളം. 6915 പോയിന്റ് നേടിയാണ് ഇന്നലെ തൗഫീക്ക് സ്വർണം നേടിയത്. ആദ്യ ദിനം അഞ്ച് ഇനങ്ങൾ പൂർത്തിയായപ്പോൾ ലീഡ് ചെയ്യുകയായിരുന്ന തൗഫീക്ക് രണ്ടാം ദിനത്തിലും വിട്ടുകൊടുക്കാതെ പൊന്നിലേക്കടുക്കുകയായിരുന്നു.

റിലേയിൽ മാറിവന്ന വെള്ളി

വനിതകളുടെ 4-100 മീറ്റർ റിലേയിൽ ആദ്യം ശ്രീന നാരായണൻ, ഭവിക വി.എസ്, മഹിത മോൾ എ.എൽ, മേഘ എസ്.എന്നിവരടങ്ങിയ കേരള ടീം മൂന്നാമതാണ് ഫിനിഷ് ചെയ്‌തത്. എന്നാൽ ഒപ്പമോടിയ മൂന്ന് ടീമുകൾ ബാറ്റൺ കൈമാറ്റത്തിൽ പിഴവ് വരുത്തിയതോടെ കേരളം രണ്ടാം സ്ഥാനത്തേക്ക് ഉയർന്നു. ഒഡിഷ, തമിഴ്നാട്,ഉത്തരാഖണ്ഡ് ടീമുകളെയാണ് അയോഗ്യരാക്കിയത്. ആദ്യം കർണാടക ഒന്നാമതും തമിഴ്നാട് രണ്ടാമതും കേരളം മൂന്നാമതുമായിരുന്നു. തമിഴ്നാടിനെ അയോഗ്യരാക്കിയതോടെ കേരളം രണ്ടാം സ്ഥാനത്തായി.

പുരുഷന്മാരുടെ 4-100 മീറ്റർ റിലേയിൽ എ.ഡി മുകുന്ദൻ,അജിത്ത് ജോൺ,ആൽബർട്ട് ജെയിംസ്,മനീഷ് എം എന്നിവരടങ്ങിയ കേരള ടീം 40.73 സെക്കൻഡിൽ ഫിനിഷ് ചെയ്താണ് വെങ്കലം നേടിയത്. ഒഡിഷ ഗെയിംസ് റെക്കാഡോടെ(39.47 സെക്കൻഡ്) സ്വർണം നേടിയപ്പോൾ തമിഴ്നാട് രണ്ടാമതെത്തി.

ഒറ്റച്ചാട്ടത്തിൽ

സാന്ദ്രയുടെ വെള്ളി

ഒരൊറ്റ ശ്രമത്തിൽ മാത്രം വിജയകരമായി ചാടാൻ കഴിഞ്ഞ സാന്ദ്ര ബാബു ആ ശ്രമത്തിൽ വെള്ളിയും നേടി. സാന്ദ്രയുടെ ആദ്യ രണ്ട് ചാട്ടങ്ങളും ഫൗളായിരുന്നു. മൂന്നാം ചാട്ടത്തിൽ 6.12 മീറ്റർ കണ്ടെത്തി. അടുത്ത മൂന്ന് ശ്രമങ്ങളിലും പരാജയപ്പെട്ടു. 6.21 മീറ്റർ ചാടിയ പശ്ചിമ ബംഗാളിന്റെ മൗമിത മൊൻഡാലാണ് സ്വർണം നേടിയത്.

വെങ്കലമായി മനുവും

പുരുഷ 400 മീറ്ററിൽ ഹീറ്റ്സിൽ ഒന്നാമതായിരുന്ന കേരള താരം മനു.ടി.എസ് 47.08 സെക്കൻഡിലാണ് മൂന്നാം സ്ഥാനത്ത് ഫിനിഷ് ചെയ്തത്. 46.82 സെക്കൻഡിൽ ഒഡിഷയുടെ ബാപ്പി ഹൻസ്ദ സ്വർണം നേടി. വനിതകളുടെ 400 മീറ്ററിൽ കേരളത്തിന്റെ പ്രതീക്ഷയായിരുന്ന സ്നേഹ. കെ നാലാമതായി.

തുടക്കമിട്ടത് ലസാൻ

ഇന്നലെ ട്രാക്കിൽ ആദ്യം നടന്ന 110 മീറ്റർ ഹർഡിൽസ് മുഹമ്മദ് ലസാൻ വെങ്കലം നേടിയപ്പോൾ നിലവിലെ ദേശീയ ചാമ്പ്യനും ദേശീയ ഗെയിംസ് ചാമ്പ്യനും ദേശീയ റെക്കാഡിന് ഉടമയുമായ മഹാരാഷ്ട്രയുടെ തേജസ് അശോക് ഷിർസെയാണ് (13.65 സെക്കൻഡ്)​ സ്വർണം നേടിയത്. ഇതോടെ കഴിഞ്ഞ ഗെയിംസിൽ താൻ തന്നെ കുറിച്ചിരുന്ന 13.71 സെക്കൻഡിന്റെ ഗെയിംസ് റെക്കാഡ് മാറ്റിയെഴുതുകയും ചെയ്തു.

തമിഴ്നാടിന്റെ മാനവ് രാജനാരായണനാണ് (14.03 സെക്കൻഡ്)​ വെള്ളി. ലസാൻ 14.23 സെക്കൻഡിലാണ് ഫിനിഷ് ചെയ്തത്. മറ്റൊരു മലയാളി താരം രാഹിൽ സക്കീർ വി.പി അഞ്ചാമതായി.

ജ്യോതി തെളിച്ച്

ജ്യോതി യരാജിവനിതകളുടെ 100 മീറ്റർ ഹർഡിൽസിൽ ദേശീയ റെക്കാഡ് ജേതാവായ ആന്ധ്രപ്രദേശിന്റെ ജ്യോതി യരാജി തന്റെ തന്നെ ഗെയിംസ് റെക്കാഡ് തിരുത്തിയെഴുതി സ്വർണം സ്വന്തമാക്കി. 13.10 സെക്കൻഡിൽ ഫിനിഷ് ചെയ്ത ജ്യോതി കഴിഞ്ഞ ഗെയിംസിൽ കുറിച്ച 13.22 സെക്കൻഡിന്റെ റെക്കാഡാണ് തിരുത്തിയെഴുതിയത്.

ത​ണു​ത്തി​ട്ടും​ ​ പതറാതെ​ ​
തൗ​ഫീ​ക്ക്

ഡെ​റാ​ഡൂ​ണി​ലെ​ ​കൊ​ടും​ത​ണു​പ്പി​ൽ​ ​വി​റ​ച്ചി​ട്ടും​ ​ഡെ​ക്കാ​ത്ത്‌ല​ണി​ലെ​ ​സ്വ​ർ​ണം​ ​തൗ​ഫീ​ക്ക് ​കൈ​വി​ട്ടി​ല്ല.​ ​ര​ണ്ട് ​ദി​വ​സ​ങ്ങ​ളി​ലാ​യി​ 10​ ​ഇ​ന​ങ്ങ​ളി​ലാ​ണ് ​തൗ​ഫീ​ക്ക് ​മ​ത്സ​രി​ച്ച​ത്.​ ​'​'​ഓ​രോ​ ​മ​ത്സ​ര​വും​ ​പ​കു​തി​യാ​കു​മ്പോ​ഴേ​ക്കും​ ​ത​ണു​പ്പ​ടി​ച്ച് ​നെ​ഞ്ചും​ ​ത​ല​യും​ ​വേ​ദ​നി​ക്കാ​ൻ​ ​തു​ട​ങ്ങും.​ ​ന​ല്ല​ ​കാ​ലാ​വ​സ്ഥ​യാ​യി​രു​ന്നെ​ങ്കി​ൽ​ ​ഇ​തി​ലും​ ​മി​ക​ച്ച​ ​പോ​യി​ന്റ് ​നി​ല​ ​സ്വ​ന്ത​മാ​ക്കാ​നാ​കു​മാ​യി​രു​ന്നു​വെ​ന്ന് ​തൗ​ഫീ​ക്ക് ​പ​റ​‌​ഞ്ഞു.
സ്കൂ​ൾ​ ​കാ​ലം​ ​ക​ഴി​ഞ്ഞ​പ്പോ​ഴേ​ ​ഡെ​ക്കാ​ത്ത്‌​ല​ണി​ലാ​യി​രു​ന്നു​ ​തൗ​ഫീ​ക്കി​ന് ​താ​ത്പ​ര്യം.​കൊ​ല്ലം​ ​സാ​യ്‌​യി​ൽ​ ​കോ​ച്ച് ​ഭൂ​പാ​ല​നൊ​പ്പം​ ​ചേ​ർ​ന്ന​തോ​ടെ​ ​ദേ​ശീ​യ​ ​ത​ല​ത്തി​ൽ​ ​മി​ക​വു​കാ​ട്ടാ​ൻ​ ​തു​ട​ങ്ങി.​ ​ഏ​ഷ്യ​ൻ​ ​ചാ​മ്പ്യ​ൻ​ഷി​പ്പി​ലും​ ​ഏ​ഷ്യ​ൻ​ ​ഗെ​യിം​സി​ലും​ ​യോ​ഗ്യ​ത​ ​നേ​ടു​ക​ ​എ​ന്ന​താ​ണ് ​ഇ​നി​യു​ള്ള​ ​ല​ക്ഷ്യം.​ ​ആ​ല​പ്പു​ഴ​ ​മ​ണ്ണ​ഞ്ചേ​രി​ ​നേ​താ​ജി​യി​ൽ​ ​നൗ​ഷാ​ദി​ന്റെ​യും​ ​നു​സൈ​ബ​യു​ടെ​യും​ ​മ​ക​നാ​ണ് ​തൗ​ഫീ​ക്ക്.​ ​സ​ഹോ​ദ​ര​ൻ​ ​തൗ​ഹീ​ദ് ​ഫു​ട്ബാ​ൾ​ ​താ​ര​മാ​ണ്.

ഈ സ്വ​ർ​ണത്തിന്​ ​സ്പോ​ൺ​സ​ർ​ഷി​പ്പ് ​കി​ട്ടു​മോ​ ?
ഈ​ ​സ്വ​ർ​ണ​മെ​ഡ​ൽ​ ​നേ​ട്ടം​ ​കൊ​ണ്ട് ​ത​നി​ക്ക് ​തു​ട​ർ​പ​രി​ശീ​ല​ന​ത്തി​ന് ​എ​ന്തെ​ങ്കി​ലും​ ​സ്പോ​ൺ​സ​ർ​ഷി​പ്പ് ​ല​ഭി​ക്കു​മോ​ ​എ​ന്നാ​യി​രു​ന്നു​ ​തൗ​ഫീ​ക്ക് ​ചോ​ദി​ച്ച​ത്.​ ​മി​ക​ച്ച​ ​താ​ര​ങ്ങ​ളെ​ ​തി​ര​ഞ്ഞെ​ടു​ത്ത് ​പ​രി​ശീ​ല​നം​ ​ന​ൽ​കു​ന്ന​ ​ജെ.​എ​സ്.​ഡ​ബ്ളി​യു,​ ​റി​ല​യ​ൻ​സ് ​തു​ട​ങ്ങി​യ​ ​കോ​ർ​പ്പ​റേ​റ്റ് ​സ്ഥാ​പ​ന​ങ്ങ​ളു​ടെ​ ​സ്പോ​ൺ​സ​ർ​ഷി​പ്പ് ​ല​ഭി​ച്ചാ​ൽ​ ​ത​നി​ക്കും​ ​മി​ക​ച്ച​ ​പ്ര​ക​ട​നം​ ​കാ​ഴ്ച​വ​യ്ക്കാ​നാ​കു​മെ​ന്ന് ​തൗ​ഫീ​ക്ക് ​പ​റ​യു​ന്നു.​ ​സാ​ന്ദ്ര​ ​ബാ​ബു​വും​ ​ല​സാ​നും​ ​ജെ.​എ​സ്.​ഡ​ബ്ളി​യു​വി​ലാ​ണ് ​പ​രി​ശീ​ലി​ക്കു​ന്ന​ത്.
ഡെ​ക്കാത്ത്‌ലൺ
100​ ​മീ​റ്റ​ർ,​ ​ലോം​ഗ് ​ജം​മ്പ്,​ ​ഷോ​ട്ട്പു​ട്ട്,​ ​ഹൈ​ജം​മ്പ്,​ 400​ ​മീ​റ്റ​ർ​ ,110​ ​മീ​റ്റ​ർ​ ​ഹ​ർ​ഡി​ൽ​സ്,​ ​ഡി​സ്‌​ക​സ് ​ത്രോ,​ ​പോ​ൾ​വാ​ട്ട്,​ ​ജാ​വ​ലി​ൻ​ ​ത്രോ,​ 1500​ ​മീ​റ്റ​ർ​ ​എ​ന്നീ​ ​മ​ത്സ​ര​ങ്ങ​ൾ​ ​ചേ​ർ​ന്ന​താ​ണ് ​ഡെ​ക്കാ​ത്ത്ല​ൺ.​ ​ഇ​തി​ൽ​ ​ഓ​രോ​ന്നി​ലും​ ​നേ​ടു​ന്ന​ ​പോ​യി​ന്റു​ക​ൾ​ ​കൂ​ട്ടി​ ​ ​മു​ന്നി​ലെ​ത്തു​ന്ന​യാ​ൾ​ ​വി​ജ​യി​ക്കും.