ക്ഷേത്രത്തിൽ നിന്ന് പശുക്കളെ മോഷ്ടിച്ച ഗോശാല സൂക്ഷിപ്പുകാരൻ അറസ്റ്റിൽ

പെരുമ്പാവൂർ: ക്ഷേത്രത്തിൽ നിന്നും പശുക്കളെ മോഷ്ടിച്ച കേസിൽ ഗോശാല സൂക്ഷിപ്പുകാരൻ അറസ്റ്റിൽ. തമിഴ്നാട് മധുര തിരുപ്രമുടം ഓത്തേരു തെരുവിൽ ജയപാണ്ഡിയെയാണ് (ഗണേശൻ,​ 40) പെരുമ്പാവൂർ പൊലീസ് അറസ്റ്റ് ചെയ്തത്. ചേലാമറ്റം ശ്രീകൃഷ്ണസ്വാമി ക്ഷേത്ര ട്രസ്റ്റിന് കീഴിലെ വാമനമൂർത്തി ക്ഷേത്രത്തിന് സമീപമുള്ള ഗോശാലയുടെ സൂക്ഷിപ്പുകാരനാണ് ഇയാൾ. കഴിഞ്ഞ നവംബർ മുതൽ ഇവിടെ നിന്ന് 5 പശുക്കളേയും 3 കിടാവുകളേയും മോഷ്ടിച്ച് വില്പന നടത്തുകയായിരുന്നു. പശുക്കൾക്കും കിടാവിനും കൂടി അഞ്ച് ലക്ഷം രൂപ വിലവരും. ഇൻസ്പെക്ടർ ടി.എം സൂഫി, എസ്.ഐ റിൻസ് എം.തോമസ് എന്നിവർ ഉൾപ്പെട്ട ടീമാണ് കേസ് അന്വേഷിച്ചത്.