ഓട്ടോ ഡ്രെെവർ മർദിച്ചു; പിന്നാലെ കുഴഞ്ഞുവീണ് ഗോവ മുൻ എംഎൽഎ മരിച്ചു

ബംഗളൂരു: ഓട്ടോ ഡ്രൈവറുടെ മർദ്ദനമേറ്റതിന് പിന്നാലെ ഗോവ മുൻ എംഎൽഎ കുഴഞ്ഞുവീണു മരിച്ചു. കർണാടകയിലെ ബെലഗാവിയിൽ ഇന്ന് ഉച്ചയോടെയാണ് സംഭവം നടന്നത്. പോണ്ട എംഎൽഎയായിരുന്ന ലാവൂ സൂര്യജി മാംലേദാർ (69) ആണ് മരിച്ചത്. ഖാടെ ബസാറിൽ ലാവൂ മാംലേദാർ ഹോട്ടൽ മുറി ബുക്ക് ചെയ്തിരുന്നു.

ഹോട്ടലിലേക്ക് കയറുന്ന വഴിയിൽ വച്ച് ലാവൂവിന്റെ കാർ ഓട്ടോയിൽ തട്ടി. തുടർന്ന് ഓട്ടോക്കാരനുമായി തർക്കമുണ്ടായി. നഷ്ടപരിഹാരം ചോദിച്ചപ്പോൾ തരാൻ പറ്റില്ലെന്നു പറഞ്ഞതോടെ ലാവൂവിനെ ഓട്ടോക്കാരൻ മർദ്ദിക്കുകയായിരുന്നെന്ന് ദൃക്സാക്ഷികൾ പറഞ്ഞു.

ഹോട്ടലിൽ എത്തിയ ലാവൂ ഒന്നാം നിലയിൽ വച്ച് കുഴഞ്ഞുവീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഡ്രെെവർ പലതവണ മാംലേദാറിനെ മർദിച്ചെന്നും ഇത് സിസിടിവിയിൽ പതിഞ്ഞിട്ടുണ്ടെന്നും ബെലഗാവി പൊലീസ് വ്യക്തമാക്കി.

On Camera : Former Goa MLA Lavoo Mamledar died following an incident of Road Rage in Belagavi. He got into a physical altercation with a cab driver after his car touched the cab, minutes later he walked into a hotel where he collapsed & died. Cab driver arrested. #RoadRage pic.twitter.com/ascoKtIhvI

— Deepak Bopanna (@dpkBopanna) February 15, 2025