അന്തർദ്ദേശീയ റേഡിയോ ദിനാചരണം

മാവേലിക്കര: സാന്ത്വനം പബ്ലിക് ചാരിറ്റബിൾ ട്രസ്റ്റ് , ബിഷപ്പ് മൂർകോളജ് നാഷണൽ സർവീസ് സ്കീം യൂണിറ്റുമായി സഹകരിച്ച് അന്താരാഷ്ട്ര റേഡിയോ ദിനാചരണം നടത്തി. പ്രിൻസിപ്പൽ ഡോ.രഞ്ജിത്ത് മാത്യു ഏബ്രഹാം ഉദ്ഘാടനം ചെയ്തു. ചടങ്ങിൽ സാന്ത്വനം പ്രസിഡന്റ് അഡ്വ.കെ.സുരേഷ് കുമാർ അദ്ധ്യക്ഷനായി. ആകാശവാണി മുൻപ്രോഗ്രാം എക്സിക്യൂട്ടീവ് മുരളീധരൻ തഴക്കര റേഡിയോ പ്രക്ഷേപണത്തിൻ്റെ ഉള്ളറകൾ എന്ന വിഷയത്തിൽ പ്രഭാഷണവും പ്രശ്നോത്തരിയും നടത്തി. രാമചന്ദ്രൻ മുല്ലശ്ശേരി, പ്രൊഫ.ആദർശ്, സുരേഷ് തോട്ടത്തിൽ, ആർ.ശശിധരക്കുറുപ്പ്, രാധാകൃഷ്ണൻ, വിമലദേവൻ, മധുകുമാർ ചിത്രാഞ്ജലി തുടങ്ങിയവർ സംസാരിച്ചു. പ്രശ്നോത്തരിയിലെ വിജയികൾക്ക് റേഡിയോ സമ്മാനമായി നൽകി.