കാംപ കോള യു.എ.ഇ വിപണിയിലെത്തിച്ച് റിലയൻസ്

കൊച്ചി: റിലയൻസ് ഇൻഡസ്ട്രീസിന്റെ എഫ്.എം.സി.ജി വിഭാഗമായ റിലയൻസ് കൺസ്യൂമർ പ്രൊഡക്ട്‌സ് ലോകത്തിലെ ഏറ്റവും വലിയ ഭക്ഷ്യപാനീയ സോഴ്‌സിംഗ് ഇവന്റായ ഗൾഫ് ഫൂഡിൽ ശീതള പാനീയ ബ്രാൻഡായ കാംപ കോള യു.എ.ഇയിൽ അവതരിപ്പിച്ചു. ഇന്ത്യൻ പാനീയ വ്യവസായത്തെ തകിടം മറിച്ച കാംപ കോള, ഈ മേഖലയിലെ പ്രമുഖരായ അഗ്തിയ ഗ്രൂപ്പുമായി സഹകരിച്ചാണ് യു.എ.ഇയിൽ കാംപ കോള പുറത്തിറക്കുന്നത്.
അൻപത് വർഷത്തിലേറെ പാരമ്പര്യമുള്ള ഇന്ത്യൻ ബ്രാൻഡായ കാംപയുമായി യു.എ.ഇ വിപണിയിലേക്ക് പ്രവേശിക്കുന്നതിൽ സന്തുഷ്ടരാണെന്ന് ആർ.സി.പി.എൽ സി.ഒ.ഒ കേതൻ മോഡി പറഞ്ഞു.