മലപ്പുറത്ത് സെവൻസ് ഫുട്ബാളിനിടെ പടക്കം പൊട്ടിത്തെറിച്ച് ഗാലറിയിൽ വീണു,​ നിരവധിപേ‌ർക്ക് പരിക്ക്

മലപ്പുറം: സെവൻസ് ഫുട്ബാൾ ടൂർണമെന്റിന്റെ ഫൈനൽ മത്സരത്തിന് മുന്നോടിയായ നടത്തിയ കരിമരുന്ന് പ്രയോഗത്തിനിടെ കാണികൾക്കിടയിലേക്ക് പടക്കം പൊട്ടിത്തെറിച്ച് വീണ് അപകടം,​ മലപ്പുറം അരീക്കോടിനടുത്ത് തെരട്ടമ്മലിൽ രാത്രി എട്ടരയോടെയാണ് അപകടം ഉണ്ടായത്. അപകടത്തിൽ 22 പേർക്ക് പരിക്കേറ്റു. മൈതാനത്ത് നിന്ന് ഉയരത്തിൽവിട്ട പടക്കം ഗാലറിയിൽ ഇരുന്നവർക്കിടയിലേക്ക് വീണ് പൊട്ടുകയായിരുന്നു. ഇതോടെ ഗാലറിയിൽ ഇരുന്നവർ ചിതറിയോടി. ഇതിനിടെയാണ് 19 പേർക്ക് പരിക്കേറ്റു. മൂന്നുപേർക്ക് പൊള്ളലേറ്റു. പരിക്കേറ്റവരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.

യുണൈറ്റഡ് എഫ്.സി നെല്ലിക്കുത്തും കെ.എം.ജി മാവൂരും തമ്മിലുളള ഫൈനൽ മത്സരത്തിനോട് അനുബന്ധിച്ചായിരുന്നു കരിമരുന്ന പ്രയോഗം നടത്തിയത്.