ക്വാർട്ടറിൽ ലക്ഷ്യം തെറ്റി

ബർമ്മിംഗ്ഹാം : ഇന്ത്യൻ ബാഡ്മിന്റൺ താരം ലക്ഷ്യ സെൻ ആൾ ഇംഗ്ളണ്ട് ബാഡ്മിന്റൺ ചാമ്പ്യൻഷിപ്പിന്റെ ക്വാർട്ടർ ഫൈനലിൽ പുറത്തായി.ലോക ആറാം റാങ്കുകാരനായ ചൈനീസ് താരം ലി ഷി ഫെംഗാണ് നേരിട്ടുള്ള ഗെയിമുകൾക്ക് ലക്ഷ്യയെ തോൽപ്പിച്ചത്.45 മിനിട്ട് നീണ്ട പോരാട്ടത്തിൽ 21-10, 21-16 എന്ന സ്കോറിനാണ് ഫെംഗിന്റെ ജയം. 2022ൽ നവിടെ ഫൈനലിലെത്തിയിരുന്ന താരമാണ് ലക്ഷ്യ.

വനിതാ ഡബിൾസിൽ മലയാളി താരം ട്രീസ ജോളി- ഗായത്രി ഗോപിചന്ദ് സഖ്യവും ക്വാർട്ടർ ഫൈനലിൽ പുറത്തായി. ചൈനയുടെ ലിയു-ടാൻ സഖ്യമാണ് 21-14,21-10 എന്ന സ്കോറിന് ഇന്ത്യൻ സഖ്യത്തെ കീഴടക്കിയത്.