അംഗ സമാശ്വാസ ഫണ്ട് വിതരണം

പറവൂർ: വടക്കേക്കര സർവീസ് സഹകരണ ബാങ്കിലെ അംഗങ്ങൾക്കുള്ള സമാശ്വാസ ഫണ്ട് വിതരണം പറവൂർ അസിസ്റ്റന്റ് രജിസ്ട്രാർ ജനറൽ എസ്. സുമേഷ് ഉദ്ഘാടനം ചെയ്തു. ബാങ്ക് പ്രസിഡന്റ് ഇ.പി. തമ്പി അദ്ധ്യക്ഷനായി. വൈസ് പ്രസിഡന്റ് ടി.പി.കൃഷ്ണൻ, പി.ആർ. പ്രസാദ്, ശശിധരകുമാർ, ആർ.കെ. സന്തോഷ്,​ ടി.ജി. മിനി തുടങ്ങിയവർ സംസാരിച്ചു. സർക്കാരിന്റെ സമാശ്വാസ ഫണ്ടിൽ നിന്നും അനുവദിച്ച 20.40 ലക്ഷം രൂപ കാൻസർ, കിഡ്നി സംബന്ധമായ രോഗങ്ങൾ, ഹൃദയശസ്ത്രക്രിയക്ക് വിധേയരായവർ, അപകടങ്ങളിൽ ഗുരുതരമായ പരുക്കേറ്റവരടക്കം 101 പേർക്കാണ് വിതരണം ചെയ്തത്.