വി-ഗാർഡ് ഫാനിന് ജർമ്മൻ ഡിസൈൻ അവാർഡ്

കൊച്ചി: മുൻനിര ഇലക്ട്രിക്കൽ, ഇലക്ട്രോണിക്സ് ഗൃഹോപകരണ നിർമ്മാതാക്കളായ വി-ഗാർഡ് ഇൻഡസ്ട്രീസ് ലിമിറ്റഡിന്റെ ഇൻസൈറ്റ്-ജി ബി.എൽ.ഡി.സി ഫാനിന് ജർമ്മൻ ഡിസൈൻ അവാർഡ്. എക്സലന്റ് ഡിസൈൻ – പ്രോഡക്റ്റ് വിഭാഗത്തിലാണ് വി-ഗാർഡിന് ഈ അംഗീകാരം. ആഗോള നിലവാരത്തിലുള്ള മികച്ച ഉത്പ്പന്നങ്ങൾ ഉപഭോക്താക്കളിലേക്ക് എത്തിക്കുന്നതിനുള്ള അംഗീകാരമാണ് ഈ പുരസ്കാരം. ഫ്രാങ്ക്ഫർട്ട് മെസ്സൈ വേദിയിൽ നടന്ന പുരസ്കാര ദാന ചടങ്ങിൽ വി-ഗാർഡ് ഇൻഡസ്ട്രിയൽ ഡിസൈൻ വിഭാഗം സീനിയർ ജനറൽ മാനേജർ ജെയിംസ് എം. വർഗീസ്, ഇൻഡസ്ട്രിയൽ ഡിസൈൻ വിഭാഗം ലീഡ് അക്ഷയ് നാഥ് വി, ഇൻഡസ്ട്രിയൽ ഡിസൈൻ വിഭാഗം സീനിയർ ലീഡ് ശ്രീപ്രസാദ് കെ. എന്നിവർ അവാർഡ് ഏറ്റുവാങ്ങി.