ആഘോഷമാക്കി ജുലാസൻ ഗ്രാമം

Thursday 20 March, 2025 | 6:51 AM

ന്യൂഡൽഹി: സുനിത വില്യംസിന്റെയും സംഘത്തിന്റെയും തിരിച്ചുവരവ് ആഘോഷമാക്കി ഇന്ത്യയും. സുനിതയുടെ പിതാവിന്റെ ജന്മനാടായ ജുലാസൻ ഗ്രാമത്തിൽ ജനം പടക്കം പൊട്ടിച്ചും മധുരം വിതരണം നടത്തിയും നൃത്തം ചെയ്തും ആഘോഷിച്ചു. ഗുജറാത്തിലെ മെഹ്‌സാന ജില്ലയിലാണ് ജുലാസൻ. സുനിതയുടെ പിതാവ് ദീപക് പാണ്ഡ്യ ഗുജറാത്തിൽ നിന്ന് യു.എസിലേക്ക് കുടിയേറിയതാണ്. സുനിതയുടെ അമ്മ ബോണി സ്ലോവേനിയക്കാരിയാണ്.

ഗ്രാമത്തിലെ ജനം ക്ഷേത്രത്തിൽ ഒത്തുകൂടി ഒരുമിച്ചിരുന്നാണ് ടി.വിയിൽ സുനിതയുടെ തിരിച്ചുവരവ് കണ്ടത്. സുനിതയ്ക്കായി പ്രത്യേക പൂജകളും ഗ്രാമത്തിൽ നടന്നു. അതേസമയം,സുനിത ഇന്ത്യ സന്ദർശിക്കുമെന്ന് ബന്ധുവായ ഫാൽഗുനി പാണ്ഡ്യ പറഞ്ഞു. സുനിത ഉടൻ തന്നെ ഇന്ത്യ സന്ദർശിക്കുമെന്നും കുടുംബം അവധിക്കാലം ആഘോഷിക്കാൻ പദ്ധതിയിടുന്നുണ്ടെന്നും അവർ ദേശീയ മാദ്ധ്യമത്തിന് നൽകിയ അഭിമുഖത്തിലൂടെ അറിയിച്ചു.

-----------------------------

#ബഹിരാകാശത്ത് കൂടുതൽ കാലം ചെലവഴിച്ച അമേരിക്കൻ സഞ്ചാരികൾ
(വിവിധ ദൗത്യങ്ങളിൽ നിന്നായുള്ള ആകെ കണക്ക്)

 പെഗ്ഗി വിറ്റ്സൺ - 675 ദിവസം

 സുനിത വില്യംസ് - 608 ദിവസം

 ജെഫ് വില്യംസ് - 534 ദിവസം

 മാർക്ക് വാൻഡെ ഹെയ് - 523 ദിവസം

 സ്കോട്ട് കെല്ലി - 520 ദിവസം

 മൈക്ക് ബാരറ്റ് - 447 ദിവസം

 ഷെയ്ൻ കിംബ്രോ - 388 ദിവസം

-----------------------------

# ബഹിരാകാശത്ത് കൂടുതൽ കാലം തുടർച്ചയായി കഴിഞ്ഞവർ (ഒറ്റ ദൗത്യത്തിലൂടെ )

 വലേറി പൊളിയകൊവ് (റഷ്യ) - 437 ദിവസം