അഞ്ചുതെങ്ങ് പഞ്ചായത്ത് ബഡ്ജറ്റ്

കടയ്ക്കാവൂർ: അഞ്ചുതെങ്ങ് ഗ്രാമപഞ്ചായത്ത് 2025 -26 സാമ്പത്തിക വർഷത്തെ ബഡ്ജറ്റ് ഗ്രാമപഞ്ചായത്ത് പ്രസിഡന്റ് വി.ലെെജുവിന്റെ അദ്ധ്യക്ഷതയിൽ വൈസ് പ്രസിഡന്റ് ലിജാ ബോസ് അവതരിപ്പിച്ചു. 18 കോടി 78 ലക്ഷം രൂപ വരവും 18 കോടി 48 ലക്ഷം രൂപ ചെലവും 29,99, 027 രൂപ മിച്ചം പ്രതീക്ഷിക്കുന്ന ബഡ്ജറ്റാണ് അവതരിപ്പിച്ചത്. വരവ് നികുതി ഇനത്തിൽ ആകെ 26 ലക്ഷം രൂപ വരുമാനം പ്രതീക്ഷിക്കുന്നു.സേവന മേഖലയിൽ ഭൂരഹിതർക്ക് ഭൂമിയും വീടും ലഭ്യമാകുന്ന പദ്ധതിയിലേക്ക് 2 കോടി 95 ലക്ഷം രൂപയുംഉൾപ്പെടെ 7 കോടി 80 ലക്ഷം രൂപ മാറ്റിവച്ചു. അഞ്ചുതെങ്ങിൽ സമഗ്ര കുടിവെള്ള പദ്ധതി നടപ്പിലാക്കുന്നതിന് 29.64 ലക്ഷം രൂപ ഉൾപ്പെടുത്തിയിട്ടുണ്ട്.