SignIn
Kerala Kaumudi Online
Tuesday, 12 November 2019 4.29 AM IST

ഇടിമുറി യൂണിവേഴ്‌സിറ്റി കോളേജിൽ മാത്രമല്ല, മഹാരാജാസിലും മടപ്പള്ളിയിലുമുണ്ട്, പ്രധാന കുഴപ്പക്കാർ എസ്.എഫ്.ഐ: കമ്മീഷൻ റിപ്പോർട്ട്

university-college

തിരുവനന്തപുരം: യൂണിവേഴ്സിറ്റി കോളേജിൽ മാത്രമല്ല മറ്റ് പല കോളേജുകളിലും കോളേജ് യൂണിയനുകളുടെ ഓഫീസുകൾ ഇടിമുറികളായി പ്രവർത്തിക്കുന്നുവെന്ന് ജസ്റ്റിസ് ഷംസുദ്ദീൻ കമ്മീഷൻ റിപ്പോർട്ട്. അസംഘടിതരായ വിദ്യാർത്ഥികളുടെ പരാതികൾക്ക് കോളേജ് യൂണിയൻ വില നൽകുന്നില്ലെന്നും ഉന്നത രാഷ്ട്രീയ നേതൃത്വത്തിന്റെ പിന്തുണ ലഭിച്ചുകൊണ്ടാണ് കലാലയങ്ങൾ കലാപഭൂമികളാകുന്നതെന്നും ജസ്റ്റിസ് പി.കെ ഷംസുദ്ദീൻ അദ്ധ്യക്ഷനായ സ്വതന്ത്ര കമ്മീഷന്റെ റിപ്പോർട്ടിൽ പറയുന്നു. ഈ റിപ്പോർട്ട് ഇന്ന് ഗവർണർക്ക് സമർപ്പിക്കും.

തിരുവനന്തപുരം യൂണിവേഴ്സിറ്റി കോളേജിൽ വിദ്യാർത്ഥിനി ആത്മഹത്യക്ക് ശ്രമിച്ചതിനെ തുടർന്നാണ് കമ്മീഷൻ രൂപീകരിച്ചത്. തിരുവനന്തപുരം ഗവണ്മെന്റ് ആർട്സ് കോളേജ്, എറണാകുളം മഹാരാജാസ് കോളേജ്, കോഴിക്കോട് മടപ്പള്ളി കോളേജ് തുടങ്ങിയ കലാലയങ്ങളിലാണ് ഇടിമുറികൾ പ്രവർത്തിക്കുന്നതായി കമ്മീഷൻ കണ്ടെത്തിയത്. എസ്.എഫ്.ഐ കൈയടക്കി വച്ചിരിക്കുന്ന പല കോളേജുകളിലും വിദ്യാർത്ഥികൾക്ക് പരാതികൾ നൽകാൻ പോലും പറ്റാത്ത സാഹചര്യമാണ് ഉള്ളതെന്നും കമ്മീഷൻ കണ്ടെത്തിയിട്ടുണ്ട്. യൂണിയൻ തിരഞ്ഞെടുപ്പിൽ മത്സരിക്കാനും ഇവർ വിദ്യാർത്ഥികളെ അനുവദിക്കാറില്ലെന്നും കമ്മീഷൻ ചൂണ്ടിക്കാട്ടി. അതാത് കാലങ്ങളിലുള്ള സർക്കാരുകൾ വിദ്യാർത്ഥികൾ സൃഷ്ടിക്കുന്ന അക്രമ സംഭവങ്ങളെ എതിർക്കാതെയാണ് മുന്നോട്ട് പോയിട്ടുള്ളത്. ഇതാണ് രാഷ്ട്രീയത്തിന്റെ പേരിലുള്ള സംഘർഷങ്ങൾ വർദ്ധിക്കാൻ കാരണമായതെന്നും കമ്മീഷൻ റിപ്പോർട്ടിൽ പറയുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: UNIVERSITY COLLEGE, THIRUVANANTHAPURAM, COLLEGES, KERALA, STUDENT STABBED, SFI, COLLEGE UNION
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.