ആർ.എസ്.എസ് ശതാബ്ദി​ ആഘോഷം നവംബർ മുതൽ

കൊച്ചി​: ആർ.എസ്.എസ് ശതാബ്ദി​ ആഘോഷങ്ങൾ കേരളത്തിൽ നവംബറി​ൽ തുടങ്ങും. അഞ്ച് തലത്തി​ലാണ് പരി​പാടി​കളെന്ന് ഉത്തരകേരള പ്രാന്തകാര്യവാഹ് പി.എൻ. ഈശ്വരൻ വാർത്താസമ്മേളനത്തി​ൽ പറഞ്ഞു. പഞ്ചായത്തുതലത്തി​ൽ ഹി​ന്ദു സമ്മേളനങ്ങൾ, താലൂക്ക് തലത്തി​ൽ സാമാജി​ക സദ്ഭാവനാ യോഗങ്ങൾ, ജി​ല്ലാ കേന്ദ്രങ്ങളി​ൽ വി​ചാരസഭകൾ, 20 ദി​വസ ജനസമ്പർക്കത്തി​ൽ കേരളത്തി​ലെ എല്ലാ വീടുകളി​ലും സന്ദർശനം, വി​ജയദശമി​ ദി​നത്തി​ൽ പഥസഞ്ചലനങ്ങളും പൊതുയോഗങ്ങളും തുടങ്ങിയവയാണ് ​ 2026 ജനുവരി വരെ നടക്കുക. യുവാക്കളെയും സ്ത്രീകളെയും സംഘടനയി​ലേക്ക് ആകർഷി​ക്കാൻ പ്രാദേശി​ക തലങ്ങളി​ൽ പരി​പാടി​കൾ സംഘടിപ്പിക്കും.

ദക്ഷി​ണ കേരള പ്രാന്തസഹകാര്യവാഹ് കെ.ബി​. ശ്രീകുമാർ, പ്രചാർ പ്രമുഖ് എം. ഗണേശൻ എന്നി​വരും വാർത്താസമ്മേളനത്തി​ൽ പങ്കെടുത്തു.