പ്രഥമ ജ്ഞാനശ്രേഷ്ഠ പുരസ്‌കാരം ഡോ.എച്ച്.വി ഈശ്വറിന്

തിരുവനന്തപുരം: പെരിന്തൽമണ്ണ ശ്രീ വള്ളുവനാട് വിദ്യാഭവൻ ഏർപ്പെടുത്തിയ പ്രഥമ ജ്ഞാനശ്രേഷ്‌ഠ പുരസ്‌കാരത്തിന് പ്രമുഖ ന്യൂറോസർ‌ജനും ശ്രീചിത്ര ഇൻസ്റ്റിറ്റ്യൂട്ട് ഒഫ് മെഡിക്കൽ സയൻസസിലെ പ്രൊഫസറുമായ ഡോ.എച്ച്.വി ഈശ്വർ അർഹനായി. വൈദ്യശാസ്ത്രരംഗത്തെ സമഗ്ര സംഭാവനകളാണ് ഡോ.ഈശ്വറിനെ പുരസ്കാരത്തിന് അർഹനാക്കിയത്. മുൻ ഡി.ജി.പി ജേക്കബ് തോമസ്,​ വിക്രംസാരാഭായ് സ്‌പേസ് സെന്റർ ഡയറക്‌ടർ വിനോദ് കുമാർ,​ കാലിക്കറ്റ് സർവകലാശാല വൈസ് ചാൻസലർ ഡോ.പി.രവീന്ദ്രൻ എന്നിവരടങ്ങിയ ജൂറിയാണ് പുരസ്കാരം നിർണയിച്ചത്. 25000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം. ഇന്ന് സ്കൂൾ വാർഷികാഘോഷത്തിൽ പുരസ്കാരം സമ്മാനിക്കും.