'എന്റെ കാഴ്ചയ്ക്ക് ഒരു കുഴപ്പവുമില്ല': മുൻ പാകിസ്ഥാൻ നയതന്ത്രഞ്ജനെ ട്രോളി പോൺ താരം ജോണി സിൻസ്

ന്യൂഡൽഹി: തന്റെ ചിത്രം വച്ച് തെറ്റായി ട്വീറ്റ് ചെയ്ത മുൻ പാകിസ്ഥാൻ ഹൈ കമ്മീഷണർ അബ്ദുൾ ബസീതിനെ ട്രോളി പോൺ സൂപ്പർ താരം ജോണി സിൻസ്. പോൺ സൈറ്റായ 'ബ്രെയ്സേഴ്സി'ന്റെ ട്വീറ്റ് പങ്കുവച്ചുകൊണ്ട് 'തന്റെ കണ്ണിന് ഒരു കുഴപ്പവുമില്ല' എന്നാണ് ജോണി സിൻസ് ട്വിറ്റർ വഴി അറിയിച്ചിരിക്കുന്നത്. തനിക്ക് പുതുതായി ലഭിച്ച ട്വിറ്റർ ഫോളോവെഴ്സിന് പാക് നയതന്ത്രഞ്ജനോട് സിൻസ് ട്വീറ്റ് വഴി തന്റെ നന്ദി അറിയിക്കുന്നുമുണ്ട്.ഇന്നലെയാണ് അമേരിക്കൻ പോൺതാരം ജോണി സിൻസിനെ കാശ്‌മീരി യുവാവാക്കി ചിത്രീകരിച്ച് ഇന്ത്യയിലെ മുൻ പാക് ഹൈക്കമ്മീഷണർ അബ്ദുൾ ബസീത് റീട്വീറ്റുമായി രംഗത്ത് വന്നത്.

Shout out to @abasitpak1 for all the new twitter followers! Thanks but my vision is fine😂😂 https://t.co/Rk4QdiGBlq

— Johnny Sins (@JohnnySins) September 3, 2019

കാശ്മീരി യുവാവിന്റെ കാഴ്ച സൈന്യത്തിന്റെ പെല്ലറ്റ് ആക്രമണത്തിൽ നഷ്ടപ്പെട്ടെന്നും. ഇതിനെതിരെ പ്രതികരിക്കണമെന്നുമാണ് അബ്ദുൾ ബസീത് റീട്വീറ്റ് ചെയ്തത്. എന്നാൽ യഥാർത്ഥത്തിൽ ജോണി സിൻസ് അഭിനയിച്ച പോൺ ചിത്രത്തിലെ ഒരു രംഗമായിരുന്നു അത്. അബദ്ധം പറ്റിയതാണെന്ന് മനസിലാതോടെ അബ്ദുൾ ബസീത് ട്വീറ്റ് പിൻവലിച്ചിരുന്നു. പാകിസ്ഥാൻ മാദ്ധ്യമപ്രവത്തക നൈല ഇനായത്താണ് പാക് ഹൈക്കമ്മീഷണർക്ക് പിണഞ്ഞ അബദ്ധം ചൂണ്ടിക്കാട്ടി രംഗത്തെത്തിയത്. അബുദുൾ ബസീത് പങ്കുവച്ച ട്വീറ്റിന്റെ സ്ക്രീൻ ഷോട്ടും നൈല പങ്കുവച്ചിരുന്നു.