എഴുത്ത് പരീക്ഷ ഇല്ല, മാസ ശമ്പളം 1,59,100 രൂപ: 54 ഒഴിവുകളിലേക്ക് അപേക്ഷിക്കാം

നാഷണൽ ഇൻസ്റ്റിറ്റിയൂട്ട് ഓഫ് ടെക്‌നോളജിയിൽ ജോലി നോക്കുന്നവർക്ക് ഇതാ സുവർണാവസരം. ബിഹാറിലെ പാറ്റ്നയിൽ സ്ഥിതി ചെയ്യുന്ന എൻഐടിയിൽ വിവിധ ഒഴിവുകളിലേക്ക് അപേക്ഷ ക്ഷണിച്ചു. ഗ്രേഡ് 2, ഗ്രേഡ് 1 പ്രൊഫസർ തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. താൽപര്യമുള്ള ഉദ്യോഗാർത്ഥികൾ ഏപ്രിൽ 30ന് മുമ്പ് അപേക്ഷ സമർപ്പിക്കണം.

ഒഴിവുകളുടെ വിശദാംശങ്ങൾ
അസിസ്റ്റന്റ് പ്രൊഫസർ ഗ്രേഡ് 2- 30 ഒഴിവുകൾ
അസിസ്റ്റന്റ് പ്രൊഫസർ ഗ്രേഡ് 1- 10 ഒഴിവുകൾ
അസോസിയേറ്റ് പ്രൊഫസർ- 8 ഒഴിവുകൾ
പ്രൊഫസർ - 6 ഒഴിവുകൾ

യോഗ്യത
ഓരോ പോസ്റ്റിലേക്കും വ്യത്യസ്ത യോഗ്യതാ മാനദണ്ഡങ്ങളാണ്. ബന്ധപ്പെട്ട മേഖലയിൽ പിഎച്ച്ഡി ബിരുദം നേടിയിരിക്കണം. ഇതോടൊപ്പം, കുറഞ്ഞത് 60% മാർക്കോടെ എഞ്ചിനീയറിംഗിൽ ബി.ടെക്/ബിഇ/ബിഎസ് അല്ലെങ്കിൽ ഇന്റഗ്രേറ്റഡ് യുജി/പിജി ബിരുദം ഉണ്ടായിരിക്കണം. അംഗീകൃത സ്ഥാപനത്തിൽ നിന്ന് ഗവേഷണ പരിചയമുള്ളവർക്ക് മുൻഗണന.

യോഗ്യതയും പ്രവർത്തിപരിചയവും അടിസ്ഥാനമാക്കിയായിരിക്കും ഉദ്യോഗാർത്ഥികളെ ആദ്യം ഷോർട്ട് ലിസ്റ്റ് ചെയ്യുന്നത്. ഇതിന് ശേഷമായിരിക്കും അഭിമുഖം. ഈ വിലയിരുത്തലുകളുടെ അടിസ്ഥാനത്തിലായിരിക്കും തിരഞ്ഞെടുക്കുക. എൻഐടി പാറ്റ്നയുടെ ഓദ്യോഗിക വെബ്‌സൈറ്റിലൂടെ അപേക്ഷിക്കാൻ സാധിക്കും.

ശമ്പള സ്‌കെയിൽ
അസിസ്റ്റന്റ് പ്രൊഫസർ ഗ്രേഡ്2: പ്രതിമാസം 70,900 രൂപ
അസിസ്റ്റന്റ് പ്രൊഫസർ ഗ്രേഡ്1: പ്രതിമാസം 1,01,500 രൂപ
അസോസിയേറ്റ് പ്രൊഫസർ: പ്രതിമാസം 1,39,600 രൂപ
പ്രൊഫസർ: പ്രതിമാസം 1,59,100 രൂപ