അനധികൃത മദ്യവില്പന ഒരാൾ പിടിയിൽ

കോലഞ്ചേരി: അവധിദിനത്തിൽ 15 ലി​റ്റർ ഇന്ത്യൻ നിർമ്മിത വിദേശ മദ്യം കൈവശം സൂക്ഷിച്ച് വില്പന നടത്തിയതിന് കോലഞ്ചേരി കിങ്ങിണിമ​റ്റം ചരുവിൽപുത്തൻപുരയിൽ പി.വി. മാർകോസിനെ (65) മാമല എക്‌സൈസ് സംഘം പിടികൂടി. മൂന്നര ലി​റ്റർ വാ​റ്റുചാരായവും 13 ലി​റ്റർ വാഷും വാ​റ്റുപകരണങ്ങളും പിടികൂടി. ഓട്ടോ ഡ്രൈവറായ ഇയാൾ മദ്യക്കച്ചവടം നടത്തുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിലാണ് വീട്ടിലെത്തി പരിശോധന നടത്തിയത്. പ്രതിയെ റിമാൻഡ് ചെയ്തു. എക്‌സൈസ് ഇൻസ്‌പെക്ടർ ആർ. ദർശകിന്റെ നേതൃത്വത്തിലുള്ള സംഘമാണ് പരിശോധന നടത്തിയത്‌.