SignIn
Kerala Kaumudi Online
Wednesday, 18 September 2019 9.22 PM IST

സൂക്ഷിച്ച് നോക്കണ്ട ഇത് അടിച്ചുമാറ്റിയതാ...വളർത്തുനായയുടെ ഫോട്ടോ ഏറ്റെടുത്ത് സോഷ്യൽ മീഡിയ

dog

ബ്രസീലിയ: മനുഷ്യന്റെ പല്ലുകൾ പോലെ പല്ലുള്ള ഒരു നായയുടെ ചിത്രം കഴിഞ്ഞദിവസം സോഷ്യൽമീഡിയയിൽ പ്രചരിച്ചിരുന്നു. നിമഷങ്ങൾക്കകം സംഗതി വൈറലായി. എന്താ സംഭവമെന്ന് ആർക്കും മനസിലായില്ല. അവസാനമാണ് കാര്യങ്ങളുടെ കിടപ്പുവശം പിടികിട്ടിയത്. അമ്മൂമ്മയുടെ വയ്പ്പുപല്ല് അടിച്ചുമാറ്റിയ നായയുടെ ചിത്രമായിരുന്നു അത്.

ബ്രസീലിലായിരുന്നു സംഭവം. ലൂണ എന്നാണ് നായയുടെ പേര്. വയ്പ്പുപല്ലിന്റെ ഉടമസ്ഥയായ മുത്തശ്ശിയുടെ കൊച്ചുമകൾ അന്നയുടെ അരുമയാണ് ലൂണ. ബ്രസീലിലെ ഒരു തെരുവിൽ നിന്ന് ദത്തെടുക്കുകയായിരുന്നു.കഴിഞ്ഞ ദിവസം അന്ന മുത്തശ്ശിയെ കാണാൻ പോയി. ഒപ്പം ലൂണയെയും കൂട്ടി .

മുത്തശ്ശിയുടെ വീട്ടിൽ വെറുയേതേയിരുന്ന് ബോറടിച്ചപ്പോൾ ഷോപ്പിംഗിന് പോകാൻ അന്ന തീരുമാനിച്ചു. ലൂണയെ മുത്തശ്ശിയുടെ അടുത്ത് ഏൽപ്പിച്ചശേഷമായിരുന്നു ഷോപ്പിംഗിന് പോയത്. പിന്നാലെ മുത്തശ്ശി ഉറങ്ങാനും പോയി. വയ്പ്പ് പല്ല് ഊരി തലയണയുടെ അടുത്ത് വച്ചശേഷമായിരുന്നു ഉറക്കം. ലൂണ ഇതെല്ലാം കണ്ടു നിൽക്കുന്നുണ്ടായിരുന്നു.

കുറച്ചുസമയം കഴിഞ്ഞ മുത്തശ്ശി കിടക്കയിൽ നിന്നെഴുന്നേറ്റു. വയ്പ്പ് പല്ലെടുക്കാൻ നോക്കിയപ്പോൾ വച്ചിടത്ത് കാണുന്നില്ല. വീടാകെ അരിച്ചുപെറുക്കി. പക്ഷേ, നോരക്ഷ. ലൂണ പല്ല് അടിച്ചുമാറ്റി വിഴുങ്ങിയിരിക്കും എന്നുതന്നെ എല്ലാവരും കരുതി. കിടക്കയ്ക്ക് സമീപമുള്ള സെറ്റിൽ ഞാനൊന്നുമറിഞ്ഞില്ലേ എന്ന മട്ടിലിരിക്കുന്ന ലൂണയുടെ വായിലേക്ക് അന്ന വെറുതേ നോക്കിയതാണ്. അവന്റെ വായ്ക്കുള്ളിൽ വയ്പ്പുപല്ലുപോലുള്ള എന്തോ ഒന്നിരിക്കുന്നു. സൂക്ഷിച്ചുനോക്കിയപ്പോൾ അത് മുത്തശ്ശിയുടെ പല്ലാണെന്ന് പിടികിട്ടി. മനുഷ്യർ വയ്ക്കുംപോലെയായിരുന്നു ലൂണ പല്ല് തന്റെ വായ്ക്കുള്ളിൽ വച്ചിരുന്നത്. ഇതിന്റെ ചിത്രമാണ് സോഷ്യൽമീഡിയയിൽ പ്രചരിച്ചത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: DOG, PHOTO, SOCIALMEDIA, DOG LOVER
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.