ഉറങ്ങുന്നതിന് മുമ്പ് അൽപ്പം പുരട്ടൂ, നേരം വെളുക്കുമ്പോൾ മുഖം വെട്ടിത്തിളങ്ങും; ഫേസ്‌പാക്ക് തയ്യാറാക്കാൻ അഞ്ച് മിനിട്ട് മതി

ദിവസേന പുറത്തേക്ക് പോകുന്നവർക്ക് പല തരത്തിലുള്ള ചർമ പ്രശ്‌നങ്ങൾ വരാനുള്ള സാദ്ധ്യത കൂടുതലാണ്. പ്രത്യേകിച്ച് അമിതമായി ചൂടും പൊടിയും വെയിലും ഏൽക്കുന്നവർ. ഇത്തരത്തിലുള്ളവരുടെ മുഖത്ത് കരിവാളിപ്പും ചർമത്തിൽ ചുളിവും ഉണ്ടാവാനുള്ള സാദ്ധ്യത കൂടുതലാണ്. സൺസ്‌ക്രീൻ ഉപയോഗിച്ചാൽ ഒരു പരിധി വരെ ഈ പ്രശ്‌നങ്ങൾ ഉണ്ടാകുന്നത് തടയാം.

ഇനി ചർമപ്രശ്‌നങ്ങൾ ഉണ്ടായവരാണെങ്കിൽ അത് മാറാനായി വീട്ടിൽ തന്നെ ചെയ്യാവുന്ന ഒരു പാക്കുണ്ട്. ഈ ഫേസ്‌പാക്ക് ആഴ്‌ചയിൽ രണ്ട് ദിവസം പുരട്ടിക്കഴിഞ്ഞാൽ മുഖത്തെ ബ്ലാക്ക്‌ഹെഡ്‌സ് ഉൾപ്പെടെ മാറി ചർമം മൃദുവും തിളക്കമുള്ളതുമാകും. ഇതിന് ആവശ്യമുള്ള സാധനങ്ങൾ എന്തൊക്കെയാണെന്നും എങ്ങനെ തയ്യാറാക്കാമെന്നും നോക്കാം.

ആവശ്യമായ സാധനങ്ങൾ

കാപ്പിപ്പൊടി - 3 ടീസ്‌പൂൺ

പഞ്ചസാര - 1 ടീസ്‌പൂൺ

തൈര് - 1 ടീസ്‌പൂൺ

വൈറ്റമിൻ ഇ കാപ്‌സ്യൂൾ - 1 എണ്ണം

തയ്യാറാക്കുന്ന വിധം

കാപ്പിപ്പൊടി , പഞ്ചസാര, തൈര് എന്നിവ നന്നായി യോജിപ്പിച്ച് ഫേസ്‌പാക്ക് രൂപത്തിലാക്കുക. ശേഷം ഇതിലേക്ക് ഒരു വൈറ്റമിൻ ഇ കാപ്‌സ്യൂൾ കൂടി പൊട്ടിച്ചുചേർത്ത് യോജിപ്പിക്കണം. ഈ പാക്ക് 15 മിനിട്ട് ഫ്രിഡ്‌ജിൽ വച്ചശേഷം ഉപയോഗിക്കാവുന്നതാണ്.

ഉപയോഗിക്കേണ്ട വിധം

ഫേസ്‌വാഷ് ഉപയോഗിച്ച് കഴുകി വൃത്തിയാക്കിയ മുഖത്തേക്ക് വേണം ഫേസ്‌പാക്ക് പുരട്ടിക്കൊടുക്കാൻ. 15 - 20 മിനിട്ട് വച്ചശേഷം കഴുകി കളയാവുന്നതാണ്. കൂടുതൽ സമയം വയ്‌ക്കരുത്. പെട്ടെന്ന് തന്നെ മുഖത്ത് മാറ്റം കാണാൻ സാധിക്കുന്നതാണ്.