അടൂർ നഗരസഭയിൽ പ്രതിപക്ഷം കൗൺസിൽ യോഗം ബഹിഷ്കരിച്ചു

അടൂർ : നഗരസഭയുടെ കൗൺസിൽ യോഗങ്ങളിൽ ഭരണപക്ഷ അംഗങ്ങൾ തന്നെ ഭരണസമിതിക്ക് എതിരെ ആരോപണങ്ങൾ ഉന്നയിച്ച് ഭരണ പ്രതിസന്ധി ഉണ്ടാക്കുന്നതിലും ഉദ്യോഗസ്ഥരുടെ മേൽ പഴിചാരുന്നതിലും പ്രതിഷേധിച്ച് യു.ഡി.എഫ് കൗൺസിലർമാരായ വി.ശശികുമാർ, ഗോപു കരുവാറ്റ, അനൂപ് ചന്ദ്രശേഖർ, റീനാ സാമൂവൽ, സൂസി ജോസഫ്, ബിന്ദു കുമാരി, ശ്രീലക്ഷ്മി ബിനു, അനു വസന്തൻ, ലാലി സജി എന്നിവർ കൗൺസിൽ യോഗം ബഹിഷ്കരിച്ചു. നഗരസഭയിലെ പൊതുമരാമത്തു പണികളുടെ ടെൻഡർ ,പട്ടികജാതി വിദ്യാർത്ഥികൾക്ക് മേശയും കസേരയും വിതരണം,, നഗരസഭയിലെ താത്കാലിക ഡ്രൈവർ മാരുടെ കാലാവധി നീട്ടി നൽകുന്നത് ഉൾപ്പെടെ ചർച്ച ചെയ്യുന്നതിന് കൂടിയ കൗൺസിൽ യോഗത്തിൽ ഭരണ-പ്രതിപക്ഷ അംഗങ്ങൾ തമ്മിൽ തർക്കമുണ്ടായി . തുടർന്നായിരുന്നു ബഹിഷ്കരണം.