കോഴിക്കോട് പുതിയ ബസ് സ്റ്റാൻഡിലെ തുണിക്കടയിൽ തീപിടിത്തം; രക്ഷാപ്രവർത്തനം തുടരുന്നു

കോഴിക്കോട്: കോഴിക്കോട് പുതിയ ബസ് സ്റ്റാൻഡിലെ തുണിക്കടയിൽ തീപിടിത്തം. ഫയർഫോഴ്സും നാട്ടുകാരും തീ അണയ്ക്കാൻ ശ്രമിക്കുകയാണ്. തീപിടിത്തത്തെ തുടർന്ന് പ്രദേശത്ത് വലിയോ തോതിൽ പുക ഉയരുന്നുണ്ട്. ഈ സ്ഥലത്തേക്കുള്ള വാഹനഗതാഗതം പൊലീസ് നിയന്ത്രിച്ചിട്ടുണ്ട്. തീപിടിച്ച കെട്ടിടത്തിന് സമീപത്ത് ഒട്ടേറെ തുണിക്കടകളുണ്ട്. അവിടേക്ക് തീ വ്യാപിക്കുന്നത് തടയാനുള്ള ശ്രമത്തിലാണ് ഫയർ ഫോഴ്സ്. ബീച്ച്, മീഞ്ചന്ത, വെള്ളിമാടുകുന്ന് എന്നിവിടങ്ങളിലെ ഫയർ എഞ്ചിനുകൾ സ്ഥലത്തെത്തിയിട്ടുണ്ട്.