SignIn
Kerala Kaumudi Online
Tuesday, 17 September 2019 6.17 PM IST

വെള്ളച്ചാട്ടത്തിന് രക്തനിറം!!അമ്പരന്ന് ലോകം

blood-falls

അന്റാർട്ടിക്കയിലെ ടെയ്‌ലർ ഹിമപാളി കാണുന്നവർ ഒന്നു ഞെട്ടും. തൂവെള്ള നിറത്തിലെ മഞ്ഞു പാളിയ്ക്ക് മദ്ധ്യത്തിൽ നിന്നും രക്തം താഴേക്ക് ഒലിച്ചിറങ്ങുന്നു! 'ബ്ലഡ് ഫാൾസ് ' എന്നാണ് ഇത് അറിയപ്പെടുന്നത്. വിക്ടോറിയ ലാൻഡിലെ മക്മുർഡോ ഡ്രൈ താഴ്‌വരയിലെ മഞ്ഞുമൂടിയ ഹിമപാളികളുടെ വിടവിലൂടെ ബോണിത്തടാകത്തിലേക്കാണ് ഇത് ചെന്നെത്തുന്നത്. അയൺ ഓക്സൈഡ് കലർന്ന ഉപ്പ് ജലമാണ് വെള്ളത്തിന്റെ ചുവപ്പ് നിറത്തിന്റെ കാരണം. ഹിമപാളിയ്‌ക്ക് അടിത്തട്ടിൽ ഏകദേശം 1,300 അടി ആഴത്തിൽ നിന്നാണ് ഈ പ്രവാഹം ഉത്ഭവിക്കുന്നത്. 1911ൽ ഗ്രിഫിത്ത് ടെയ്‌ലർ എന്ന പര്യവേക്ഷകനാണ് ഇത് കണ്ടെത്തിയത്.

പ്രത്യേകതരം ആൽഗെകളുടെ സാന്നിദ്ധ്യമാകാം ജലത്തിന് രക്തവർണം നൽകുന്നതെന്ന് ഗവേഷകർ അനുമാനിക്കുന്നു. എന്നാൽ, അത്തരം ആൽഗെകൾ ഏതാണ്? എവിടെ നിന്നും ഇവിടെ എത്തി? ഈ ചോദ്യങ്ങൾക്ക് കൃത്യമായ വിശദീകരണം നൽകാൻ ശാസ്ത്രജ്ഞർക്ക് ഇതുവരെ കഴിഞ്ഞിട്ടില്ല.

ലക്ഷക്കണക്കിന് വർഷങ്ങൾക്ക് മുമ്പ് ടെയ്‌ലർ ഹിമാനി ഉത്ഭവിക്കുന്ന സമയം ഇവിടെ ഒരു ഉപ്പുജല തടാകം ഉണ്ടായിരുന്നു. ഹിമാനി വ്യാപിച്ചതോടെ തടാകം മഞ്ഞുപാളികൾക്ക് അടിയാലാകുകയും ഉപ്പിന്റെ അംശം ക്രമാതീതമായി കൂടുകയും ചെയ്‌തു. ഈ ഉപ്പുജലം വൻതോതിൽ ഇരുമ്പിന്റെ അംശം ആഗിരണം ചെയ്‌തിരുന്നു. ഉപ്പ് ജലത്തിലെ സൂഷ്‌മജീവികളാണ് ഇരുമ്പിന്റെ അംശത്തെ വലിച്ചെടുത്തതെന്നാണ് കരുതുന്നത്. ഹിമാനിയിൽ നിന്നും ഈ ജലം വിള്ളലിലൂടെ പുറത്ത് വന്നതോടെ അന്തരീക്ഷത്തിലെ ഓക്‌സിജനുമായി പ്രവർത്തിച്ച് ചുവപ്പ് നിറമാവുകയായിരുന്നു. ലളിതമായി പറഞ്ഞാൽ ഇരുമ്പ് തുരുമ്പിക്കുന്ന പ്രക്രിയയാണ് ഇവിടെ നടക്കുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KAUTHUKAM, BLOOD FALLS
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.