14കാരന് മൂന്ന് മാസത്തിനിടെ അയച്ചത് എണ്ണിയാൽ തീരാത്ത നഗ്നചിത്രങ്ങൾ; സ്‌കൂൾ ജീവനക്കാരി അറസ്റ്റിൽ

ന്യൂയോർക്ക്: 14 വയസ്സുള്ള ആൺകുട്ടിക്ക് മൂന്ന് മാസത്തിനിടെ ഒട്ടേറെ നഗ്ന ചിത്രങ്ങൾ അയച്ചുകൊടുത്ത സ്‌കൂൾ ജീവനക്കാരി അറസ്റ്റിൽ. ഗ്രേറ്റർ സതേൺ ടയർ ബോർഡ് ഓഫ് കോപ്പറേറ്റീവ് എഡ്യൂക്കേഷണൽ സർവീസസിൽ (ജിഎസ്ടി ബിഒസിഇഎസ്) ജോലി ചെയ്തിരുന്ന അനാമറിയ മിലാസോയാണ് അറസ്റ്റിലായത്. സ്‌കൂൾ റിസോഴ്സ് ഓഫീസറിൽ നിന്ന് പൊലീസിന് ലഭിച്ച സൂചനയെത്തുടർന്നാണ് അറസ്റ്റ്. മിലാസോ മാസങ്ങളായി പ്രായപൂർത്തിയാകാത്ത കുട്ടിക്ക് ലൈംഗികത പ്രകടമാക്കുന്ന ചിത്രങ്ങൾ അയച്ചിരുന്നതായി അധികൃതർ ആരോപിക്കുന്നു.

മിലാസൊ ചെമുങ് കൗണ്ടിയിലെ തങ്ങളുടെ ഒരു സ്‌കൂളിൽ ജോലി ചെയ്തിരുന്നുവെന്ന് ജിഎസ്ടി ബിഒസിഇഎസ് സ്ഥിരീകരിച്ചിട്ടുണ്ട്. എന്നാൽ അവരുടെ ജോലി എന്താണെന്നോ എപ്പോഴാണ് അവിടെ ജോലി ചെയ്യാൻ തുടങ്ങിയതെന്നോ വിശദാംശങ്ങൾ വെളിപ്പെടുത്താൻ തയ്യാറായില്ല. യുവതിയെ ജോലിയിൽ നിന്നും പുറത്താക്കിയിട്ടുണ്ട്. 14കാരനെ കുറിച്ചുള്ള വിവരങ്ങൾ അധികൃതർ പുറത്തുവിട്ടിട്ടില്ല. യുവതി ജോലി ചെയ്തിരുന്ന അതേ സ്‌കൂളിലാണ് 14കാരൻ പഠിച്ചിരുന്നത്.