SignIn
Kerala Kaumudi Online
Friday, 18 October 2019 11.47 AM IST

കാശ്മീരിൽ സമാധാനം വേണം, കുട്ടികൾക്ക് സ്‌കൂളിൽ പോകണം: ട്വീറ്റുമായി മലാല, മറുപടി നൽകി ബി.ജെ.പി

malala-yusufsai

ന്യൂഡൽഹി:കാശ്മീരിൽ സമാധാനം നിലനിർത്താൻ സഹായിക്കണമെന്നും കുട്ടികൾക്ക് സ്‌കൂളിൽ പോകാനുള്ള സൗകര്യം ഒരുക്കണമെന്നും ഐക്യരാഷ്ട്രസഭയോട് അഭ്യർത്ഥനയുമായി പാകിസ്ഥാനി സമാധാന നോബൽ ജേതാവ് മലാല യൂസഫ്സായ്. 40 ദിവസത്തിൽ ഏറെയായി സ്‌കൂളിൽ പോകാൻ കഴിയാത്ത കാശ്മീരിലെ കുട്ടികളെ കുറിച്ച് താൻ ആകുലപ്പെടുകയാണെന്നും ദിവസങ്ങളായി വീടുകൾ വിട്ട് പുറത്തിറങ്ങാൻ കഴിയാത്ത പെൺകുട്ടികളെ ഓർക്കുമ്പോൾ തനിക്ക് വിഷമമുണ്ടെന്നും മലാല വ്യക്തമാക്കി.

ഏതാനും ട്വീറ്റുകൾ വഴിയാണ് മലാല അഭിപ്രായപ്രകടനം നടത്തിയത്. കാശ്മീരിലെ പെൺകുട്ടികളുടെ സങ്കടങ്ങൾ നേരിട്ട് കേൾക്കാൻ തനിക്ക് ആഗ്രഹമുണ്ടായിരുന്നുവെന്നും എന്നാൽ വിനിമയ ബന്ധങ്ങൾ വേർപെട്ടതിനാൽ അതിന് സാധിച്ചില്ലെന്നും മലാല സൂചിപ്പിച്ചു. 'ലെറ്റ് കാശ്മീർ സ്പീക്ക്(കാശ്മീരിനെ സംസാരിക്കാൻ അനുവദിക്കുക)' എന്ന ഹാഷ്ടാഗിന്റെ അകമ്പടിയോട് കൂടിയായിരുന്നു മലാലയുടെ ട്വീറ്റുകൾ. തന്റെ കൗമാരത്തിൽ താലിബാന്റെ വെടിയുണ്ടകളാൽ പരിക്കേറ്റ് പാകിസ്ഥാൻ വിടേണ്ടി വന്ന മലാല ഇപ്പോൾ കഴിയുന്നത് ബ്രിട്ടനിലാണ്.

അതേസമയം മലാലയുടെ അഭ്യർത്ഥനയോട് പ്രതികരിച്ചുകൊണ്ട് കർണാടക ബി.ജെ.പി എം.പി ശോഭ കരന്ദ്ലാജെ രംഗത്തെത്തി.

'പാകിസ്ഥാനിലെ ന്യൂനപക്ഷത്തിന്റെ വിഷമങ്ങൾ കൂടി കേൾക്കാൻ ഞാൻ നോബൽ ജേതാവിനോട് അഭ്യർത്ഥിക്കുകയാണ്. പാകിസ്ഥാനിലെ ന്യൂനപക്ഷത്തിൽ പെട്ട പെൺകുട്ടികളോട് കാട്ടുന്ന ക്രൂരതയോടും, നിർബന്ധിത മതപരിവർത്തനത്തോടും പ്രതികരിക്കാൻ ഞാൻ നിങ്ങളോട് അഭ്യർത്ഥിക്കുന്നു. വികസന പദ്ധതികൾ കാശ്മീരിലേക്ക് കൂടി വ്യാപിച്ചു. ഒന്നും അടിച്ചമർത്തിയിട്ടില്ല.' ബി.ജെ.പി എം.പി ട്വിറ്ററിലൂടെ മലാലയ്ക്ക് മറുപടി നൽകി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, MALALA YOUSAFZAI, BJP, INDIA, JAMMU KASHMIR, ARTICLE 370, BJP MP, PAKISTAN, NOBEL PEACE PRIZE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.