ആറൻമുള ക്ഷേത്രത്തിൽ വഴിപാട് വള്ളസദ്യകൾ തുടങ്ങി

കോഴഞ്ചേരി: ആറന്മുള പാർത്ഥസാരഥി ക്ഷേത്രത്തിലെ വഴിപാട് വള്ളസദ്യകൾ തുടങ്ങി. മന്ത്രി കെ.ബി. ഗണേഷ് കുമാർ ഭദ്രദീപം തെളിച്ച് ഉദ്ഘാടനം ചെയ്തു. മന്ത്രി വീണാജോർജ്, ആന്റോ ആന്റണി എം.പി, പ്രമോദ് നാരായൺ എം.എൽ.എ , അവിട്ടം തിരുനാൾ ആദിത്യ വർമ്മ എന്നിവർ ചേർന്ന് നിലവിളക്കിന് മുന്നിലെ ഇലയിൽ വിഭവങ്ങൾ വിളമ്പി. സദ്യയിൽ പങ്കെടുക്കാൻ ക്ഷേത്രക്കടവിൽ എത്തിയ കോഴഞ്ചേരി,ളാക ഇടയാറന്മുള പള്ളിയോടങ്ങളെ മന്ത്രിമാർ സ്വീകരിച്ചു. തുടർച്ചയായ 80 ദിവസം വള്ളസദ്യകൾ നടക്കും. ഇതുവരെ 412 സദ്യകൾ ബുക്കുചെയ്തു കഴിഞ്ഞു.