പതിനാറുകാരിയ്ക്ക് മദ്യം നൽകിയ ശേഷം കൂട്ടമാനഭംഗം ചെയ്തു,​ രണ്ടുപേർ അറസ്റ്റിൽ

കല്പറ്റ: വയനാട്ടിൽ പ്രായപൂർത്തിയാകാത്ത പെൺകുട്ടിയെ കൂട്ടബലാത്സംഗത്തിനിരയാക്കി,​ മാനന്തവാടിയിലാണ് പെൺകുട്ടിക്ക് നേരെ ക്രൂരത നടന്നത്,​ സംഭവത്തിൽ മാനന്തവാടി സ്വദേശികളായ ആഷിഖ്,​ ജയരാജ് എന്നിവരെ അറസ്റ്റ് ചെയ്തു,​ 16കാരിയായ ആദിവാസി പെൺകുട്ടിയാണ് പീഡനത്തിനിരയായത്. പെൺകുട്ടിയെ തട്ടിക്കൊണ്ടുപോയി മദ്യം നൽകിയ ശേഷം പീഡിപ്പിക്കുകയായിരുന്നു എന്നാണ് പൊലീസ് നൽകുന്ന വിവരം. പ്രതികളെ കഴിഞ്ഞ ദിവസമാണ് പൊലീസ് കസ്റ്റ്ഡിയിലെടുത്തത്. ചോദ്യം ചെയ്യലിന് ശേഷം ഇന്ന് അറസ്റ്റ് രേഖപ്പെടുത്തുകയായിരുന്നു. പ്രതികൾക്കെതിരെ പോക്സോ,​ കൂട്ട ബലാത്സംഗം എന്നീ വകുപ്പുകൾ ചുമത്തി കേസെടുത്തിട്ടുണ്ട്. ഇവരെ മാനന്തവാടി കോടതിയിൽ ഹാജരാക്കും.