അരിപൊടിക്കുന്ന യന്ത്രത്തിന്റെ ബെൽറ്റിൽ ഷാൾ കുരുങ്ങി,​ ഫ്ലോർ മിൽ ജീവനക്കാരിക്ക് ദാരുണാന്ത്യം

തിരുനന്തപുരം: ഫ്ലോർമില്ലിൽ ഷാൾ കുരുങ്ങി യുവതിക്ക് ദാരുണാന്ത്യം. കാരേറ്റ് പുളിമാത്ത് സ്വദേശിനി ബീന (44)​ ആണ് മരിച്ചത്. തിരുവനന്തപുരം വെഞ്ഞാറമൂട്ടിലുള്ള ആരുഡിയിൽ ഫ്ലവർ മില്ലിലാണ് ദാരുണമായ സംഭവം. ഉച്ചകഴിഞ്ഞ് 3:30 ഓടെയാണ് അപകടം ഉണ്ടായത്. അരി പൊടിക്കുന്നതിനിടെ ബീനയുടെ ഷാൾ മെഷീന്റെ ബെൽറ്റിൽ കുരുങ്ങിയതാണ് അപകടത്തിന് കാരണം. തലയ്ക്ക് ഗുരുതരമായി പരിക്കേറ്റ ബീനയെ വെഞ്ഞാറമൂട് സ്വകാര്യ ആശുപത്രിയിലും അതിന് ശേഷം തിരുവനന്തപുരം മെഡിക്കൽ കോളേജ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.