SignIn
Kerala Kaumudi Online
Monday, 14 October 2019 4.19 PM IST

$5 ട്രില്യൺ സമ്പദ്‌ശക്തിയാകാൻ ഇന്ത്യ 12% ജി.ഡി.പി വളർച്ച നേടണം: എസ്.ബി.ഐ

 ജി.ഡി.പി വളർച്ച മെച്ചപ്പെടുമെന്ന് ശക്തികാന്ത ദാസ്

കൊൽക്കത്ത: 2025ഓടെ 5 ലക്ഷം കോടി ഡോളർ സമ്പദ്‌ശക്തിയാകണമെങ്കിൽ ഇന്ത്യ ഇനിയുള്ള വർഷങ്ങളിൽ 12 ശതമാനം ജി.ഡി.പി വളർച്ച നേടണമെന്ന് എസ്.ബി.ഐ മാനേജിംഗ് ഡയറക്‌ടർ ദിനേശ് കുമാർ ഖര പറഞ്ഞു. വായ്‌പാ വിതരണം നിലവിലെ 98 ലക്ഷം കോടി രൂപയിൽ നിന്ന് 400 ലക്ഷം കോടി രൂപയിലേക്കും വർദ്ധിക്കണം. നടപ്പു സാമ്പത്തിക വർഷത്തെ ആദ്യപാദത്തിൽ ഇന്ത്യ വളർന്നത് അഞ്ചു ശതമാനം മാത്രമാണ്.

പൊതുമേഖലാ ബാങ്കുകളുടെ ലയനം സമ്പദ്‌വളർച്ചയ്ക്ക് കരുത്തേകും. അസോസിയേറ്റ് ബാങ്കുകളുമായി ലയിച്ചപ്പോൾ മാനവവിഭവശേഷി പുനഃക്രമീകരണത്തിലൂടെ എസ്.ബി.ഐ 4,350 കോടി രൂപ ലാഭിച്ചു. സംയോജിത സർവീസ് ചാർജിലൂടെ 1,800 കോടി രൂപയുടെയും മറ്റ് വിഭാഗങ്ങളിലായി 400 കോടി രൂപയുടെയും ലാഭമുണ്ടായെന്നും അദ്ദേഹം പറഞ്ഞു. അതേസമയം, നടപ്പു സാമ്പത്തിക വർഷത്തെ രണ്ടാംപാദമായ ജൂലായ് - സെപ്‌‌തംബറിൽ ജി.ഡി.പി വളർച്ച മെച്ചപ്പെടുമെന്ന് റിസർവ് ബാങ്ക് ഗവർണർ ശക്തികാന്ത ദാസ് പറഞ്ഞു.

കോർപ്പറേറ്റ് നികുതി കുറച്ചതുൾപ്പെടെ കേന്ദ്രസർക്കാർ പ്രഖ്യാപിച്ച ഉത്തേജക പദ്ധതികൾ വളർച്ചയുടെ ആക്കം കൂട്ടും. നാണയപ്പെരുപ്പം ഉൾപ്പെടെയുള്ള കണക്കുകൾ അനുകൂലമെങ്കിൽ വരും യോഗങ്ങളിലും മുഖ്യ പലിശ നിരക്ക് കുറയ്ക്കാനാകുമെന്നും അദ്ദേഹം പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, INDIA GDP, 5 TRILLION ECONOMY
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.