വിചാരണയ്ക്കായി കൊട്ടാരക്കര കോടതിയിൽ ഹാജരായി, പോക്സോ കേസ് പ്രതി ഓടിരക്ഷപ്പെട്ടു

കൊല്ലം: കൊട്ടാരക്കര കോടതിയിൽ വിചാരണയ്ക്ക് ഹാജരാക്കിയ പോക്സോ കേസ് പ്രതി ചാടിപ്പോയി. ഇളമാട് സ്വദേശി അബിൻ ദേവാണ് കോടതിയിൽ നിന്ന് ഓടി രക്ഷപ്പെട്ടത്. 2022ലെ പോക്സോ കേസിലെ പ്രതിയാണ് ഇയാൾ. അബിൻ ദേവിനെ ചടയമം​ഗലം പൊലീസ് അറസ്റ്റ് ചെയ്ത് റിമാൻഡ് ചെയ്തിരുന്നു. പിന്നീട് ഇയാൾ ജാമ്യത്തിൽ ഇറങ്ങിയതാണ്.

വിചാരണ നടക്കുന്നതിനാൽ കോടതിയിൽ ​ഹാജരായതായിരുന്നു. ജാമ്യത്തിൽ കഴിയുന്നതിനാൽ കോടതിയിൽ നിന്ന് ഓടിപ്പോയത് എന്തിനാണെന്ന് മനസിലാകുന്നില്ലെന്ന് പൊലിസ് അറിയിച്ചു.