കേരളവും യു.എ.ഇയും പരസ്പര സഹകരണം ഉറപ്പാക്കും

തിരുവനന്തപുരം: കേരളവും യു.എ.ഇയും തമ്മിൽ പലമേഖകളിലും പരസ്പര സഹകരണം ഉറപ്പാക്കുന്നതിന് ധാരണ. അബുദാബി കിരീടാവകാശിയും അബുദാബി എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഖാലിദ് ബിൻ മുഹമ്മദ് ബിൻ സായേദ് അൽ നഹ്യാനുമായി മുഖ്യമന്ത്രി പിണറായി വിജയൻ നടത്തിയ കൂടിക്കാഴ്ചയിലാണ് തീരുമാനം. സാമ്പത്തിക വികസന പങ്കാളിത്തങ്ങൾ ശക്തിപ്പെടുത്തുന്നത് സംബന്ധിച്ചും കൂടുതൽ നിക്ഷേപ പദ്ധതികൾക്ക് വഴി തുറക്കുന്നതുമായ ചർച്ചകളും നടന്നു. അബുദാബി സാമ്പത്തിക വികസന വകുപ്പ് ചെയർമാൻ അഹമ്മദ് ജാസിം അൽ സാബി,അബുദാബി എക്സിക്യൂട്ടീവ് കൗൺസിൽ സെക്രട്ടറി ജനറലും കിരീടാവകാശിയുടെ ഓഫീസ് ചെയർമാനുമായ സൈഫ് സഈദ് ഘോബാഷ്,അബുദാബി മീഡിയ ഓഫീസ് ചെയർപേഴ്സണും ക്രൗൺ പ്രിൻസ് കോടതിയുടെ സ്ട്രാറ്റജിക് റിലേഷൻ ഉപദേഷ്ടാവുമായ മരിയം ഈദ് അൽ മെഹിരി,മന്ത്രി സജി ചെറിയാൻ,യു.എ.ഇയിലെ ഇന്ത്യൻ അംബാസഡർ ദീപക് മിത്തൽ,ലുലു ഗ്രൂപ്പ് ചെയർമാൻ എം.എ. യൂസഫലി,ചീഫ് സെക്രട്ടറി ഡോ. എ ജയതിലക് എന്നിവരും യോഗത്തിൽ പങ്കെടുത്തു.