എസ്.എൻ.ഡി.പി യോഗം സേവനം യു.എ.ഇ നേതൃത്വ സംഗമം

തിരുവനന്തപുരം: എസ്.എൻ.ഡി.പി യോഗം സേവനം യു.എ.ഇയിൽ നേതൃത്വ സംഗമം സംഘടിപ്പിക്കുന്നു. 16ന് വൈകിട്ട് 6.30ന് (യു.എ.ഇ സമയം) അജ്മാൻ തുംബൈ മെഡിക്കൽ കോളേജ് കോൺഫറൻസ് ഹാളിൽ നടക്കുന്ന യോഗത്തിൽ യോഗം ജനറൽ സെക്രട്ടറി വെള്ളാപ്പള്ളി നടേശൻ സംസാരിക്കും.

സെൻട്രൽ കമ്മിറ്റി യു.എ.ഇ ഭാരവാഹികൾ,​യൂണിയൻ പ്രസിഡന്റ്,വൈസ് പ്രസിഡന്റ്,സെക്രട്ടറി,ഡയറക്ടർ ബോർഡ് അംഗം,യൂണിയൻ കൗൺസിൽ അംഗങ്ങൾ,അഡ്മിനിസ്‌ട്രേറ്റീവ് കമ്മിറ്റി ചെയർമാൻ,വൈസ് ചെയർമാൻ,കൺവീനർ,കൗൺസിൽ അംഗങ്ങൾ,യൂണിയന്റെ പോഷക സംഘടനകളായ വനിതാ വിഭാഗം,യൂത്ത് മൂവ്‌മെന്റ് തുടങ്ങിയവയുടെ പ്രസിഡന്റ്,വൈസ് പ്രസിഡന്റ്,സെക്രട്ടറി,കേന്ദ്ര കമ്മിറ്റി അംഗം എന്നിവർ യോഗത്തിൽ പങ്കെടുക്കും.