SignIn
Kerala Kaumudi Online
Thursday, 12 December 2019 3.08 PM IST

അടൂരിനെകൊണ്ട് തെറ്റിദ്ധരിപ്പിച്ച് കത്തെഴുതിക്കുന്ന സാഹചര്യം: കേന്ദ്രമന്ത്രി വി.മുരളീധരൻ

v-muraleedharan
v muraleedharan

കൊച്ചി: അടൂർ ഗോപാലകൃഷണനെ പോലെയുള്ളവരെ കൊണ്ട് പ്രധാനമന്ത്രിക്കെതിരേ കത്തെഴുതിച്ച് അത് മാധ്യമങ്ങൾക്ക് നൽകുന്ന തരത്തിൽ കേരളത്തിലെ ധൈഷണിക രംഗം മാറിയെന്ന് കേന്ദ്ര വിദേശകാര്യ സഹമന്ത്രി വി. മുരളീധരൻ പറഞ്ഞു. കേരളത്തിലെ ആദ്യ ആർ.എസ്.എസ് പ്രാന്ത പ്രചാരകനായ ഭാസ്‌കർ റാവുവിന്റെ ജന്മശതാബ്ദി സമാപന സമ്മേളനത്തിൽ മുഖ്യ പ്രഭാഷണം നടത്തുകയായിരുന്നു അദ്ദേഹം.


അടൂരിനെ എനിക്കറിയാം. സംസാരിച്ചിട്ടുണ്ട്. ഒരു വേളയിലും ഹിന്ദുത്വത്തെ അദ്ദേഹം എതിർത്തിട്ടില്ല. നിരീശ്വര വാദിയുമല്ല. പക്ഷേ, അദ്ദേഹത്തെ തെറ്റിദ്ധരിപ്പിച്ച് കത്തെഴുതിക്കാൻ പാകത്തില്‍ കേരളത്തിലെ ധൈഷണികരംഗത്തെ സ്ഥിതി മോശമായി,
കേരളത്തിന്റെ യഥാർത്ഥ നവോത്ഥാനം രേഖപ്പെടുത്തുന്നവർക്ക് ഭാസ്‌കർ റാവുവിനെ ഒഴിവാക്കാൻ ആവില്ല.സാമൂഹ്യ പരിഷ്‌കരണത്തിലും ഭാസ്‌കർ റാവുവിന് വലിയ പങ്കുണ്ടെന്നും മുരളീധരൻ പറഞ്ഞു.


സമ്മേളനം ആർ.എസ്.എസ് സഹ സർകാര്യവാഹ് കൃഷ്ണഗോപാൽ ഉദ്ഘാടനം ചെയ്‌തു. യോഗത്തിൽ കൊച്ചിൻ കപ്പൽശാല സി.എം.ഡിയും ജന്മശതാബ്ദി ആഘോഷക്കമ്മിറ്റി ചെയർമാനുമായ മധു.എസ്.നായർ അദ്ധ്യക്ഷത വഹിച്ചു. ആർ.എസ്.എസ് അഖില ഭാരതീയ കാര്യകാരി സദസ്യൻ എസ്. സേതുമാധവൻ, വനവാസി കല്യാൺ ആശ്രമം ദേശീയ സംഘടനാ സെക്രട്ടറി ഹർഷ ചൗഹാൻ, ആർ. ഹരി, ജെ. നന്ദകുമാർ, ഒ. രാജഗോപാൽ എം.എൽ.എ, സി.കെ. സജിനാരായണൻ, ബി.ജെ.പി സംസ്ഥാന പ്രസിഡന്റ് പി.എസ്. ശ്രീധരൻ പിള്ള, എം. രാധാകൃഷ്ണൻ, ആർ. സഞ്ജയൻ, തരുൺ വിജയ്, രേണു പ്രകാശ്, പി.ബി. രമേഷ്ബാബു, സി. സദാനന്ദർ മാസ്റ്റർ തുടങ്ങിയവർ പങ്കെടുത്തു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: V MURALEEDHARAN
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.