SignIn
Kerala Kaumudi Online
Saturday, 29 November 2025 2.00 PM IST

ആഷസ്; ആദ്യ ടെസ്റ്റിലേത് ബുദ്ധിശൂന്യമായ പ്രകടനം, തോൽവിയിൽ നിന്ന് പാഠം പഠിച്ചെന്ന് ബെൻസ്റ്റോക്‌സ്

Increase Font Size Decrease Font Size Print Page
benstokes

ബ്രിസ്ബേൻ: ഓസ്ട്രേലിയക്കെതിരായ ആഷസ് പരമ്പരയിലെ ആദ്യ ടെസ്റ്റിലുണ്ടായ കനത്ത തോൽവിയിൽ നിന്ന് ടീം പാഠങ്ങൾ പഠിച്ചുവെന്ന് ഇംഗ്ലണ്ട് ക്യാപ്ടൻ ബെൻ സ്റ്റോക്സ്. പിങ്ക്-ബോൾ ടൂർണമെന്റിൽ നിന്ന് പ്രധാന കളിക്കാരെ മാറ്റിനിർത്തിയ ടീം മാനേജ്മെന്റിന്റെ തീരുമാനത്തെ അദ്ദേഹം ന്യായീകരിക്കുകയും ചെയ്തു. പെർത്തിൽ രണ്ട് ദിവസം കൊണ്ട് അവസാനിച്ച, ആദ്യ ടെസ്റ്റ് മത്സരത്തിൽ എട്ട് വിക്കറ്റിന്റെ വിജയത്തോടെ ഓസ്ട്രേലിയ അഞ്ച് മത്സരങ്ങളുള്ള ആഷസ് പരമ്പരയിൽ 1-0ന് മുന്നിലെത്തിയിരുന്നു. ബാറ്റിംഗ് തകർച്ചകൾക്ക് സാക്ഷ്യം വഹിച്ച മത്സരത്തിൽ, ട്രാവിസ് ഹെഡിന്റെ മാച്ച് വിന്നിംഗ് പ്രകടനമാണ് (123) ഓസീസിന് വിജയം സമ്മാനിച്ചത്.

ആദ്യ ടെസ്റ്റിന് ശേഷം ഇംഗ്ലണ്ടിന്റെ പ്രകടനത്തെ മുൻ താരങ്ങൾ ബുദ്ധിശൂന്യമാണെന്നും അഹങ്കാരം എന്നൊക്കെ വിമർശിച്ചിരുന്നു. മത്സരത്തിൽ ഒരു ഘട്ടം വരെ ശക്തമായ നിലയിലായിരുന്നെങ്കിലും രണ്ടാം ഇന്നിംഗ്‌സിൽ ഇംഗ്ലണ്ട് ദുർബലമായ പ്രകടനം കാഴ്ചവച്ചതാണ് വിമർശനങ്ങൾക്ക് വഴിവച്ചത്.

'ആദ്യ മത്സരത്തിലെ തോൽവിയെക്കുറിച്ച് ഞങ്ങൾ ചർച്ചകൾ നടത്തി. ഇനി മുന്നോട്ട് പോവുകയാണ്. ട്രാവിസ് ഹെഡ് മികച്ച പ്രകടനമാണ് കാഴ്ചവച്ചത്. അതിൽ ഒരുസംശയവുമില്ല. എന്നാൽ മത്സരത്തിലെ ഞങ്ങളുടെ തോൽവിയ്ക്ക് പിന്നിൽ ആ പ്രകടനമല്ല. അമ്പരപ്പിക്കുന്ന ഒട്ടേറെ നിമിഷങ്ങളാണ് ആദ്യ ടെസ്റ്റിൽ ഉണ്ടായത്'. രണ്ടാമത്തെ ടെസ്റ്റിനു മുൻപ് ബ്രിസ്ബേനിൽ മാദ്ധ്യമങ്ങളോട് സംസാരിക്കവെ സ്റ്റോക്സ് പറഞ്ഞു

'ഒന്നാം ഇന്നിംഗ്സിൽ ഞങ്ങൾ പന്തെറിഞ്ഞ രീതിയും അടിച്ചെടുത്ത സ്കോറും പ്രതിരോധിക്കാൻ കഴിയുമെന്ന് വിശ്വസിച്ചു. എന്നാൽ കുറച്ചുകൂടി നന്നായി കളിച്ചിരുന്നെങ്കിൽ കൂടുതൽ മെച്ചപ്പെടുത്താൻ പറ്റിയ സമയങ്ങൾ ആ കളിയിൽ ഉണ്ടായിരുന്നു എന്നും നമുക്കെല്ലാവർക്കും അറിയാം. അക്കാര്യം ഞങ്ങൾ തിരിച്ചറിയുന്നു. ഒരു ടീം എന്ന നിലയിലും വ്യക്തിഗതമായും ആ തെറ്റുകളിൽ നിന്ന് പാഠം പഠിക്കുക എന്നതാണ് ഏറ്റവും പ്രധാനം,' സ്റ്റോക്സ് കൂട്ടിച്ചേർത്തു.

TAGS: NEWS 360, SPORTS, BENSTOKES, ASHES, ASHES TEST, LATESTNEWS
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.