SignIn
Kerala Kaumudi Online
Sunday, 30 November 2025 3.04 AM IST

അങ്കമാലി നഗരസഭയിൽ എൽ.ഡി.എഫ് പ്രകടനപത്രിക

Increase Font Size Decrease Font Size Print Page
muncl-pal

അങ്കമാലി: തദ്ദേശഭരണ തിരഞ്ഞെടുപ്പിൽ അങ്കമാലി നഗരസഭയിൽ മത്സരിക്കുന്ന ഇടതുപക്ഷ ജനാധിപത്യ മുന്നണി സ്ഥാനാർത്ഥികളെ വിജയിപ്പിക്കണമെന്ന് എൽ.ഡി.എഫ് നേതാക്കൾ വാർത്താ സമ്മേളനത്തിൽ ആവശ്യപ്പെട്ടു. നെടുമ്പാശേരി അന്താരാഷ്ട്ര വിമാനത്താവളം അതിരിടുന്ന, മെട്രോയും ദേശീയപാത വികസനവും അരികിലെത്തുന്ന അങ്കമാലിയെ ലോകോത്തര നിലവാരത്തിലേക്ക് ഉയർത്താൻ സുതാര്യവും കാര്യശേഷിയുമുള്ള ഭരണ സംവിധാനം അനിവാര്യമാണ്. ഇടതുപക്ഷ ജനാധിപത്യ മുന്നണി ഭരണത്തിലൂടെ സുസ്ഥിര ജനക്ഷേമ പുരോഗതി സാദ്ധ്യമാക്കാൻ കഴിയും. കാലുമാറ്റവും കൂറുമാറ്റവും വിലപേശലും കൊണ്ട് ദീർഘവീക്ഷണത്തോടു കൂടിയ വികസന പദ്ധതികളൊന്നും നടപ്പിലാക്കാൻ കഴിയാത്ത ദുരവസ്ഥ കോൺഗ്രസ്സ് ഭരണത്തിൽ അങ്കമാലിയുടെ ശാപമാണന്ന് എൽ.ഡി.എഫ് നേതാക്കൾ പറഞ്ഞു. വാർത്താസമ്മേളനത്തിൽ എൽ.ഡി.എഫിന്റെ പ്രകടനപത്രിക പ്രകാശനം ചെയ്തു. എൽ.ഡി.എഫ് നേതാക്കളായ അഡ്വ.ജോസ് തെറ്റയിൽ, അഡ്വ.കെ.കെ. ഷിബു, ബെന്നി മൂഞ്ഞേലി, സജി വർഗീസ്, ഒ.ജി കിഷോർ, വർഗീസ് ജോർജ്ജ് പൈനാടത്ത്, മാർട്ടിൻ ബി. മുണ്ടാടൻ, എം.എസ്.ചന്ദ്രബോസ്, സെബാസ്റ്റ്യൻ കന്നപ്പിള്ളി എന്നിവർ വാർത്താ സമ്മേളനത്തിൽ പങ്കെടുത്തു.

 അങ്കമാലിക്കാരായ പ്രവാസികളുടെ ക്ഷേമത്തിനായി കൂട്ടായ്മ രൂപീകരിച്ച് കൗൺസിലിന്റെ നേതൃത്വത്തിൽ ക്ഷേമ പ്രവർത്തനങ്ങൾക്ക് നേതൃത്വം നൽകും.

കരയാംപറമ്പിൽ നിന്നാരംഭിച്ച് മുല്ലശ്ശേരിത്തോടിനോട് ചേർന്ന് എം.സി. റോഡിൽ വേങ്ങൂർ ഡബിൾ പാലത്തിനു സമീപം എത്തിച്ചേരുന്ന റിംഗ് റോഡ് നിർമ്മിക്കും.

ഇതര സമാന്തര ഗതാഗത റിംഗ് റോഡുകളും സർക്കാരുമായി ചേർന്ന് യാഥാർത്ഥ്യമാക്കും.

സംസ്ഥാന സർക്കാർ കിഫ്ബി ഫണ്ട് അനുവദിച്ചിട്ടും ഇപ്പോഴും ഇഴഞ്ഞുനീങ്ങുന്ന അങ്കമാലി ബൈപ്പാസ് യാഥാർത്ഥ്യമാക്കാൻ പരിശ്രമിക്കും. അങ്കമാലി വരെ നീട്ടുന്ന മെട്രോ റെയിൽ പദ്ധതി ത്വരിതഗതിയിലാക്കാൻ സർക്കാരിൽ സമ്മർദ്ദം ചെലുത്തും.

TAGS: LOCAL NEWS, ERNAKULAM
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.